"მაიკლ ჯექსონი ცოცხალი რომ იყოს, Thriller-ს, ალბათ, მათი ჩართულობით თავიდან გადაიღებდა, არც გრიმი დასჭირდებოდა, არც ვიზაჟისტები, არც კოსტიუმები" — თქვა თბილისის მერმა კახა კალაძემ იმ მოქალაქეებზე, რომლებმაც გუშინ კალაძის საარჩევნო შტაბის გახსნა გააპროტესტეს.

კალაძემ თქვა, რომ "გულის სტკივა" მისი ქვეყნის მოქალაქეებს "ამ მდგომარეობაში რომ ხედავს".

"ამ ადამიანების სახეებს რომ ვუყურებდი, ნუ, არ ვიცი, უბრალოდ წარმოუდგენელია. მაიკლ ჯექსონი ცოცხალი რომ იყოს, Thriller-ს, ალბათ, მათი ჩართულობით თავიდან გადაიღებდა, არც გრიმი დასჭირდებოდა, არც ვიზაჟისტები, არც კოსტიუმები. წარმოუდგენელია უბრალოდ. ჩვეულებრივი ტიტუშკები არიან. ყველაფერი დაკარგული აქვთ, ზნეობა, კულტურა. იმ მდგომარეობაში, რა მდგომარეობაშიც იმყოფებიან, მე გულწრფელად თანავუგრძნობ და გული მტკივა, რომ ჩემი ქვეყნის მოქალაქე, მერე რა, შეიძლება სხვა პოლიტიკური შეხედულება ჰქონდეს. ამ მდგომარეობაში როცა ხედავ ადამიანს, ძალიან მძიმეა," — თქვა კალაძემ.

გუშინ, 3 სექტემბერს, ოცნებას თბილისის მერის, კახა კალაძის შტაბის გახსნა ხმაურის ფონზე მოუწია. ღონისძიების სტუმრები მოქალაქეებმა შტაბში შეძახილებით შეაცილეს.