ამერიკის შეერთებული შტატების ფედერალურმა სასამართლომ პრეზიდენტ დონალდ ტრამპის ადმინისტრაციის მიერ ჰარვარდის უნივერსიტეტისთვის მილიარდობით დოლარის დაფინანსების შემცირების გადაწყვეტილება გააუქმა.

გარდა ამისა, მოსამართლე ალისონ ბეროუზმა ტრამპის ადმინისტრაციას კემბრიჯში, მასაჩუსეტსის შტატში დაფუძნებული კოლეჯისთვის ფედერალური დაფინანსების შეწყვეტა დაუბლოკა და მთავრობას არსებული გრანტების გადახდის შეჩერება აუკრძალა.

"სასამართლო აუქმებს გაყინვის ბრძანებებს და შეწყვეტის წერილებს, როგორც პირველი შესწორების დარღვევას," — განაცხადა მოსამართლემ ოთხშაბათს.

მოსამართლე ალისონ ბეროუზმა დაადგინა, რომ მთავრობამ $2 მილიარდის კვლევითი გრანტების გაუქმებით დაარღვია "აივი ლიგის" კოლეჯის სიტყვის თავისუფლების უფლება.

უნივერსიტეტის პრეზიდენტმა, ალან გარბერმა კი განაცხადა, რომ "გადაწყვეტილება ადასტურებს ჰარვარდის პირველ შესწორებას და პროცედურულ უფლებებს".

თეთრი სახლი გადაწყვეტილებას "აღმაშფოთებელს" უწოდებს და მის გასაჩივრებას გეგმავს.