დამანგრეველმა მეწყერმა დასავლეთ სუდანში, მარას მთებში, სულ მცირე 370 ადამიანის სიცოცხლე იმსხვერპლა, ამის შესახებ BBC-ს სუდანში გაეროს ჰუმანიტარული საკითხების დროებითმა კოორდინატორმა ანტუან ჟერარმა განუცხადა.

მისი თქმით, შემთხვევის მასშტაბისა და ზუსტი მსხვერპლის დადგენა რთულია, რადგან ტერიტორია უკიდურესად მიუდგომელია.

სუდანის განმათავისუფლებელმა მოძრაობა/არმიამ (SLM/A), რომელიც დაზარალებულ რაიონს აკონტროლებს, უფრო ადრე განაცხადა, რომ შესაძლოა 1 000 ადამიანი დაღუპულიყო.

მძიმე ნალექებმა კვირას მეწყერი გამოიწვია, რომელმაც, ჯგუფის თქმით, ტარსინის სოფლის დიდი ნაწილი დაანგრია.

SLM/A გაეროსთან და სხვა რეგიონულ და საერთაშორისო ორგანიზაციებთან ჰუმანიტარული დახმარების თხოვნით გამოვიდა.