თბილისის საქალაქო სასამართლოში დღეს 8 პირის საქმეზე მოსამართლე თამარ მჭედლიშვილმა განაჩენი გამოაცხადა.

ამ 8 პირიდან ზვიად ცეცხლაძეს, ვეფხია კასრაძესა და ვასილ კაძელაშვილს პროკურატურა ჯგუფური ძალადობის ორგანიზებას ედავება, დანარჩენებს — თორნიკე გოშაძეს, ინსაფ ალიევს, ირაკლი მიმინოშვილს, გიორგი გორგაძეს, ნიკოლოზ ჯავახიშვილს — მასში მონაწილეობას.

თამარ მჭედლიშვილის გადაწყვეტილებით:

ზვიად ცეცხლაძეს 2 წლითა და 6 თვით პატიმრობა მიესაჯა. ის მუხლის გადაკვალიფიცირების შემდეგ დამნაშავედ იქნა ცნობილი სისხლის სამართლის 226-ე მუხლით გათვალისწინებულ დანაშაულში, რაც გულისხმობს ჯგუფური მოქმედების ორგანიზებას, რომელიც არღვევს საზოგადოებრივ წესრიგს, ან მასში აქტიური მონაწილეობას.

ამავე მუხლით გადაუკვალიფირდათ დანაშაული ვეფხია კასრაძეს და ვასილ კარძელაშვილს და მათაც 2 წლით და 6 თვით პატიმრობა მიესაჯათ.

ინსაფ ალიევს, თორნიკე გოშაძეს, გიორგი გორგაძეს, ნიკოლოზ ჯავახიშვილს და ირაკლი მიმინოშვილს 2-2 წლიანი პატიმრობა მიესაჯა.

წყარო: რადიო თავისუფლება