პროევროპულ აქციებში მონაწილეობისთვის, ნარკოდანაშაულის ბრალდებით დაკავებულ 26 წლის ანტონ ჩეჩინს მოსამართლე ჯვებე ნაჭყებიამ 8 წლითა და 6 თვით პატიმრობა მიუსაჯა.

განაჩენის გამოცხადებამდე სინდისის პატიმარმა საბოლოო სიტყვის უფლებით ისარგებლა. 26 წლის აქტივისტმა პროკურატურას შესთავაზა, რომ ბრალდებაზე უარი ეთქვა.

"ბრძოლა გაგრძელდება," — განაცხადა სინდისის პატიმარმა ანტონ ჩეჩინმა.

ანტონ ჩეჩინი პროევროპულ აქციებში მონაწილეობისთვის გასული წლის 3 დეკემბერს დააკავეს. მას ბრალი სისხლის სამართლის კოდექსის 260-ე მუხლოს მე-6 ნაწილით ჰქონდა წარდგენილი, რაც განსაკუთრებით დიდი ოდენობით ნარკოტიკული საშუალებების შეძენა-შენახვა, ტარებას გულისხმობდა და 8-დან 20 წლამდე ან უვადო თავისუფლების აღკვეთას ითვალისწინებდა.