"ჩვენ ვდგავართ საქართველოს სამოქალაქო საზოგადოების გვერდით და მოვუწოდებთ საქართველოს მთავრობას, შეწყვიტოს გამოძიებები და გაათავისუფლოს გაყინული ფინანსური რესურსები," — ამის შესახებ ჩეხეთის საგარეო საქმეთა სამინისტრო გავრცელებულ განცხადებაში წერს და ოცნების ანტიკორუფციული ბიუროს მიერ 7 არასამთავრობო ორგანიზაციის ანგარიშების დაყადაღებას ეხმაურება.

არასამთავრობო ორგანიზაციები შეუცვლელ როლს ასრულებენ ყველა ქვეყანაში — რაც ჩეხეთმა საკუთარი გამოცდილებიდან იცის. ჩვენ ვდგავართ საქართველოს სამოქალაქო საზოგადოების გვერდით და მოვუწოდებთ საქართველოს მთავრობას, შეწყვიტოს გამოძიებები და გაათავისუფლოს გაყინული ფინანსური რესურსები," — აღნიშნულია უწყების განცხადებაში.

ცნობისთვის, პროკურატურის ინფორმაციით, 27 აგვისტოს ყადაღა დაედო 7 არასამთავრობო ორგანიზაციის საბანკო ანგარიშებს, რითაც შეიზღუდა ფულადი სახსრების შემდგომი არამიზნობრივი განკარგვა.

უწყების ცნობით, NGO-ებს ყადაღა დაედოთ საბოტაჟის, დამამძიმებელ გარემოებაში საბოტაჟის მცდელობის, უცხოეთის ორგანიზაციისათვის მტრულ საქმიანობაში დახმარების და საქართველოს კონსტიტუციური წყობილების წინააღმდეგ მიმართული საქმიანობისთვის ფინანსების მობილიზების ფაქტზე პროკურატურაში მიმდინარე გამოძიების ფარგლებში.

პროკურატურის ცნობით, ამ არასამთავრობო ორგანიზაციების "ფინანსები გამოყენებული იქნა ისეთი აღჭურვილობის შესაძენად, როგორიც არის — სპეციალური აირწინაღები, დამცავი სათვალეები, პირბადეები, სახის დასაფარი ნიღბები, წიწაკის სპრეი და სხვა საშუალებები".

ასევე იხილეთ: