ევროსაბჭოს "ჟურნალისტების უსაფრთხოების პლატფორმამ" 7 ქართული NGO-ს ანგარიშების გაყინვის გამო განგაშის სიგნალი ჩართო. ამის შესახებ მათ განცხადება გაავრცელეს, სადაც აღნიშნულია, რომ "საერთო სამართლის შესახებ" ორგანულ კანონში შეტანილი ცვლილებები მნიშვნელოვნად ზღუდავს ჟურნალისტების შესაძლებლობას, სასამართლოს შენობებიდან გააშუქონ ინფორმაცია.

"2025 წლის 24 ივნისს, საქართველოს პარლამენტმა "საერთო სასამართლოების შესახებ" ორგანულ კანონში ცვლილებების პროექტი წარადგინა, რომელიც მნიშვნელოვნად შეზღუდავს ჟურნალისტების სასამართლოს შენობიდან რეპორტაჟების გაკეთების შესაძლებლობას. მმართველი პარტიის, ქართული ოცნების მიერ წარდგენილი კანონპროექტი კრძალავს ფოტო, ვიდეო და აუდიოჩანაწერების გაკეთებას ან ტრანსლაციას სასამართლოებში, სასამართლო დარბაზებსა და მიმდებარე ტერიტორიებზე — გარდა იმ შემთხვევებისა, როდესაც ეს ნებადართულია და ხორციელდება სასამართლოს მიერ.

მოქმედი კანონმდებლობით, საქართველოს საზოგადოებრივ მაუწყებელს აქვს უფლება, მოახდინოს სასამართლო სხდომების ჩაწერა და ვალდებულია ეს მასალა სხვა მედიასაშუალებებსაც გაუზიაროს. იმ შემთხვევაში, თუ საზოგადოებრივი მაუწყებელი ამას არ გააკეთებს, ჩაწერის შესაძლებლობა სხვა ტელეკომპანიებს გადაეცემათ. აღნიშნული ჩარჩო ახალი ცვლილებებით უქმდება. ასევე უქმდება ნორმები, რომლებიც ჟურნალისტებს საშუალებას აძლევს ჩაიწერონ სასამართლოს დერეფნებში და ეზოებში, და რომლებსაც ჰქონდათ გარანტია, რომ მათი ჩაწერის მოწყობილობები კონფისკაციისგან დაცული იქნებოდა", — წერია განცხადებაში.

განცხადებაში ასევე წერია, რომ ჟურნალისტებმა უკვე არაერთხელ განაცხადეს, რომ სასამართლოებში სხვადასხვა პრობლემას აწყდებიან.

"მედია ადვოკატირების კოალიციამ", რომელიც საზოგადოებრივი ორგანიზაციების გაერთიანებაა, აღნიშნა, რომ ინიციატივა "სერიოზულად შეზღუდავს მედიის მუშაობას და ფაქტობრივად გააუქმებს სასამართლო ხელისუფლების საზოგადოებრივ კონტროლს." სასამართლო პროცესების გაშუქებაზე — განსაკუთრებით, იმ საქმეებზე, რომლებიც ბოლო აქციებს უკავშირდება — ჟურნალისტებმა უკვე არაერთხელ განაცხადეს, რომ სასამართლოებში სხვადასხვა ბარიერს აწყდებიან.

პროექტის მიხედვით, ვიზუალური და აუდიომასალების ჩაწერის ნებართვის გაცემის საკითხი მთლიანად მოსამართლეების დისკრეციაში გადავა. მოსამართლეს შეეძლება მხოლოდ ოფიციალური მიმართვის საფუძველზე და დასაბუთებული გადაწყვეტილებით მისცეს ჟურნალისტებს ჩაწერის უფლება. გარდა ამისა, სასამართლოს მიეცემა უფლება, მოსმენიდან შერჩევით გაავრცელოს აუდიოვიზუალური მასალა, თუ ეს კანონიერად ჩაითვლება.

მედიაპროფესიონალები შეშფოთებას გამოხატავენ, რომ ცვლილებები ინსტიტუციონალიზებულად დააწესებს შეზღუდვებს სასამართლო პროცესებზე წვდომაზე და შეამცირებს გამჭვირვალობას, განსაკუთრებით პოლიტიკურად სენსიტიურ საქმეებში. ინიციატივა დაჩქარებული წესით განიხილება პარლამენტში, სადაც უმრავლესობას მმართველი პარტია ფლობს", — წერია გავრცელებულ განცხადებაში.