ევროკომისიის პრეზიდენტი ურსულა ფონ დერ ლაიენი დონალდ ტრამპსა და ვოლოდიმირ ზელენსკის ესაუბრა. ამის შესახებ მან X-ზე დაწერა. მისი თქმით, უკრაინისთვის სარწმუნო უსაფრთხოების გარანტიები უნდა დაიცვან და პუტინი მოლაპარაკებების მაგიდასთან უნდა დაჯდეს.

"ახლახან ვისაუბრე პრეზიდენტ ზელენსკისთან, შემდეგ კი პრეზიდენტ დონალდ ტრამპთან, კიევზე განხორციელებული მასიური დარტყმის შემდეგ, რომელმაც ევროკავშირის ოფისებიც დააზიანა.

პუტინი მოლაპარაკების მაგიდასთან უნდა დაჯდეს.

უნდა დავიცვათ უკრაინისთვის სამართლიანი და მდგრადი მშვიდობა მყარი და სარწმუნო უსაფრთხოების გარანტიებით, რომლებიც ქვეყანას "ფოლადის ზღარბად" აქცევს.

ევროპა სრულად შეასრულებს თავის როლს.

ჩვენი თავდაცვის ინსტრუმენტი SAFE, მაგალითად, მნიშვნელოვანი იქნება უკრაინის მამაცი შეიარაღებული ძალების გასაძლიერებლად", — დაწერა ევროკომისიის პრეზიდენტმა.

ცნობისთვის, რამდენიმე საათის წინ ევროკომისარმა გაფართოების საკითხებში, მარტა კოსმა სოციალურ ქსელში განცხადება გაავრცელა, სადაც აღნიშნულია, რომ რუსეთის შეტევის შედეგად კიევში ევროკავშირის წარმომადგენლობის შენობა დაზიანდა.

მარტა კოსი: რუსეთის დარტყმების შედეგად კიევში ევროკავშირის წარმომადგენლობის შენობა დაზიანდა