თბილისის საერთაშორისო აეროპორტში, 19 ივნისს, გამთენიისას, რუსთავი რ2–ის გადამღებ ჯგუფს მუშაობის პროცესში უცნობი პირი თავს დაესხა. ინციდენტი იმ დროს მოხდა, როცა ჟურნალისტი ინტერვიუს წერდა დეპუტატ ჩიორა თაქთაქიშვილთან.

ჩიორა თაქთაქიშვილის თქმით, თავდამსხმელმა ფიზიკური შეურაცხყოფა მიაყენა რუსთავი 2–ის ოპერატორს. პოლიციამ თავდამსხმელი მალევე დააკავა. დეპუტატის ინფორმაციით, ის ცდილობდა მომხდარი ტელეფონით გადაეღო, რაშიც მას ხელი შეუშალეს.

რუსთავი 2–ის გენერალური დირექტორის, ნიკა გვარამიას ინფორმაციით, თავდამსხმელს სამართალდამცავები სისხლის სამართლის კოდექსის 125–ე მუხლს ედავებიან, რაც ცემას გულისხმობს. თუმცა, გვარამია მის უფრო მკაცრად დასჯას ითხოვს. მან ფეისბუკის საშუალებით შსს–ს მიმართა:

"მოგიწოდებთ და მოვითხოვ მთელი გუნდის სახელით, დაუყოვნებლივ დააკავოთ ჟურნალისტზე და ოპერატორზე თავდამსხმელი და კანონის მთელი სიმკაცრით აგებინოთ პასუხი. 125-ე ცემის მუხლი არ მიიღება. შეგახსენებთ, ინტერვიუს ჩაწერის დროს მოხდა ინციდენტი და სხეულის დაზიანებასთან ერთად, მინიმუმ, ჟურნალისტურ საქმიანობაში ხელშეშლაა".

რუსთავი 2–ის ინფორმაციით, სამართალდამცველებს ჩვენება უკვე მისცეს სამაუწყებლო კომპანი თანამშრომლებმა. კურიერის ინფრომაციით, დაკითხვაზეა გადაყვანილი თავდასხმაში მონაწილე პირიც.