მილი ბობი ბრაუნმა განაცხადა, რომ მან და მისმა მეუღლემ, ჯეიკ ბონ ჯოვიმ, პატარა გოგონა იშვილეს. უცნაური ამბების ვარსკვლავმა მოულოდნელი განცხადება ხუთშაბათს დილით, საკუთარ ინსტაგრამ გვერდზე გააკეთა.

"ამ ზაფხულს, პატარა გოგონა შვილად ავიყვანეთ", — ვკითხულობთ ინსტაგრამ პოსტში — "მოხარულები ვართ, რომ ცხოვრების ახალ ეტაპს, მშობლების ამპლუაში, მშვიდად და კონფიდენციალურად ვიწყებთ. სიყვარულით, მილი და ჯეიკ ბონ ჯოვი".

3 წლიანი ურთიერთობის შემდეგ, წყვილი გასულ წელს დაინიშნა და 2024 წლის მაისში საიდუმლოდ დაქორწინდა.

ფოტო: Millie Bobby Brown

რაც შეეხება მილი ბობი ბრაუნს, ის მსოფლიო ვარსკვლავი სულ რაღაც 12 წლის ასაკში გახდა, მას შემდეგ, რაც ნეტფლიქსის უცნაური ამბებში ილევენის როლი მოირგო. 2016 წელს დაწყებული სერიალი, წელს — მეხუთე სეზონით დაგვირგვინდება. როგორც მეოთხე სეზონი, ისიც რამდენიმე ნაწილად გამოვა. პირველი ნაწილის ნახვას 26 ნოემბერს შევძლებთ, მეორე ნაწილს 25 დეკემბერს, ხოლო ფინალურ ეპიზოდს — ახალი წლის ღამეს.

უცნაური ამბების გარდა, ბრაუნს Netflix-თან ერთად ენოლა ჰოლმსის მესამე ფილმი აქვს დაგეგმილი. ამასთანავე, მსახიობმა წელს მონაწილეობა მიიღო ნეტფლიქსის ფილმ ელექტრო შტატში.

ასევე ნახეთ: