შესაძლოა, პირს ბროსნანი 2022 წელს თავის ბაფთასა და ოქროს იარაღს დაემშვიდობა, თუმცა მოხარული იქნება, თუ ის ბონდიანას სამყაროში დაბრუნდება.

Radio Times-თან ინტერვიუში 72 წლის მსახიობმა განაცხადა, რომ მას სურვილი აქვს 007 ფრენჩაიზში "ხანდაზმული მოქალაქის" სტატუსით დაბრუნდეს, იმ შემთხვევაში თუ დენი ვილნევი ამის მომხრე იქნება.

"მე და ჩემი მეუღლე კილი (შეი სმიტი) ყურს ვუგდებთ ბოლო დროინდელ ჭორებს, ვინ იქნება შემდეგი ჯეიმს ბონდი", — თქვა ბროსნანმა — "ბევრი შესანიშნავი კანდიდატია და დარწმუნებული ვარ, რომ ისინი აუცილებლად გაგვაოცებენ".

ბროსნანმა — რომელმაც ბონდიანას ოთხ ფილმში 007-ის როლი მოირგო — ხუმრობით თქვა, მიუხედავად იმისა, რომ მისი აზრით, არავის სურს "მოხუცი, 72 წლის ბონდის" ნახვა, სწორი სცენარი მის ინტერესს აუცილებლად გააღვივებს.

"ვილნევს რომ რამე ჰქონდეს ხელთ, მაშინვე გადავხედავდი", —დასძინა მან — "რატომაც არა? ეს შესანიშნავი გასართობია, შეიძლება სასაცილოც იყოს....პარიკისთვის ქუდები, პროთეზი... ვინ იცის?".

ფრენჩაიზში, ძველი ბონდის ჩართვა ფილმს ნამდვილად უნიკალურ პერსპექტივას შესძენდა. განსაკუთრებით მაშინ, როდესაც კითხვა კვლავ ღიად რჩება, ვინ უნდა ატაროს ჩირაღდანი მას შემდეგ, რაც 2021 წელს დენიელ კრეიგმა ბოლოჯერ მოირგო ბონდის როლი.

• ახალ ჯეიმს ბონდს დენი ვილნევი გადაიღებს — ბონდიანას სამომავლო გეგმები

კრეიგის წასვლისა და Amazon MGM Studios-ის მიერ 007-ის ახალი ეპოქის გადაბარების შემდეგ, ახალი ჯეიმს ბონდის შერჩევა რთული ამოცანაა. ამჟამად, ჯეიმს ბონდის როლზე, ჰოლანდთან ერთად მთავარ ფავორიტებად განიხილებიან — აარონ-ტეილორ ჯონსონი და ჯეიმს ნორტონი, თუმცა საუბარი არის ასევე ირლანდიელ მსახიობ პოლ მესკალზეც.

• ტომ ჰოლანდი ჯეიმს ბონდთან დაკავშირებულ ჭორებს გამოეხმაურა

აღსანიშნავია, რომ იყო საუბრები ბონდის როლზე ქალი მსახიობის შერჩევა, რასაც ჰელენ მირენი, ჟურნალ Saga-სთან ინტერვიუში გამოეხმაურა.

"მე ფემინისტი ვარ, მაგრამ ჯეიმს ბონდი კაცი უნდა იყოს", — განაცხადა მირენმა — "ქალი 007-ის როლში არ შეიძლება. ეს უბრალოდ არ გამოდის... ჯეიმს ბონდი ჯეიმს ბონდი უნდა იყოს, თორემ სხვა რამედ იქცევა".

ერთი რამ ცხადია — როგორც ჩანს, ჰოლივუდი ცდილობს, ახალი ბონდი ტრადიციებს არ ჩამორჩეს და კაცად დარჩეს.

ჯერჯერობით უცნობია, ვის ვიხილავთ ლეგენდარული ჯეიმს ბონდის როლში, თუმცა, შეგახსენებთ, რომ მანამდე პირს ბროსნანის ნახვას ორ ახალ ფილმში — The Thursday Murder Club-სა და ფილმ გიგანტში — შევძლებთ.