რამდენიმე კვირის წინ ოსკარის მფლობელმა მსახიობმა მორგან ფრიმანმა, აშშ-ს პრეზიდენტს, დონალდ ტრამპს მოუწოდებს, რომ 2016 წლის არჩევნებში რუსეთის ჩარევა ეღიარებინა.

"წარმოიდგინეთ ასეთი კინოსცენარი: საკუთარი სამშობლოს მარცხით გაბრაზებული ჯაშუში, რომელიც შურისძიებას გეგმავს. სარგებლობს შექმნილი ქაოსით და პოსტსაბჭოთა რუსეთში კარიერული კიბის მთავარ საფეხურზე ადის, ის პრეზიდენტი ხდება. ამყარებს ავტორიტარულ რეჟიმს. შემდეგ კი აშშ-ს ამოიღებს მიზანში და ამბობს, რომ ეს ქვეყანა მისი მთავარი მტერია. როგორც KGB-ს ჭეშმარიტი აგენტი ის იყენებს კიბერიარაღს მსოფლიოში დემოკრატიებზე თავდასხმისთვის. იყენებს სოციალურ ქსელებს პროპაგანდის გავრცელებისთვის, ცდილობს დემოკრატიული საზოგადოების წევრებს მედია საშუალებებისადმი ნდობა დააკარგვინოს. ეს ჯაშუში - ვლადიმირ პუტინია და ეს კინოსცენარი არ არის. ჩვენ თავს დაგვესხნენ!", - ამბობდა მიმართვის დროს მსახიობი.

ამ ფაქტს რუსული მედია გამოეხმაურა და რამდენიმე გამოცემამ უარყოფით კონტექსტში ისიც დაწერა, რომ ფრიმანმა ეს ყველაფერი მარიხუანას ზემოქმედების ქვეშ თქვა.

Rossiya 24-ის ჟურნალისტმა სიუჟეტში, რომელიც ამ თემას მიუძღვნა მსახიობს ფსიქიატრთან ვიზიტი ურჩია, ამავდროულად აღნიშნა, რომ ფრიმანი, რომელმაც ერთ-ერთ ფილმში ღმერთის როლი შეასრულა, ახლა ჰოლივუდმა თამაშგარე სიტუაციაში დატოვა.

ამავე თემას გამოეხმაურა რეჟისორი იური გრიუმოვიც, რომელმაც ერთ-ერთ შოუში სტუმრობისას თქვა:

"ვფიქრობ, რომ ეს ბაბუა უბრალოდ მთვრალია და რასაც ამბობს სრული ნაგავია"

რუსეთის მეხუთე არხზე გასულ სიუჟეტში ნათქვამი იყო, რომ ამერიკელმა მსახიობმა ამ მიმართვის წყალობით რუსეთში მილიონობით ფანი დაკარგა, თანაც სულ რამდენიმე წუთში.