ამსტერდამის მერი ებერჰარდ ვან დერ ლაანი 2017 წლის 19 სექტემბერს ფილტვის კიბოს გამო გადადგა.

გადადგომის შესახებ გაკეთებული განცხადებიდან რამდენიმე საათში, ამსტერდამელები მერის სახლის წინ შეიკრიბნენ და მადლობის ნიშნად უმღერეს, ბოლოს კი აპლოდისმენტებით გააცილეს თანამდებობიდან ებერჰარდ ვან დერ ლაანი.

როგორც იქ შეკრებილი მოქალაქეები ამბობდნენ, ებერჰარდი, რომელიც ჰოლანდიის დედაქალაქს 2010 წლიდან მართავდა, გამუდმებით ზრუნავდა ქალაქსა და მოსახლეობაზე. ხშირ შემთხვევაში კი მას ამსტერდამის საუკეთესო მერსაც უწოდებდნენ.