ქართული ოცნების საჩივრების საფუძველზე კომუნიკაციების ეროვნულმა კომისიამ ტელეკომპანიები — "მთავარი", "ფორმულა" და "TV პირველი" სამართალდამრღვევად ცნო, თუმცა არ დააჯარიმა.

შეგახსენებთ, ხელისუფლების მიმართ კრიტიკულად განწყობილი ტელეკომპანიების წინააღმდეგ კომისიას საჩივრით ოცნების პრემიერმინისტრის, ირაკლი კობახიძის მინდობილმა პირმა, ნათია ბოკუჩავამ 27 მაისს მიმართა და მათი დასანქცირება მოითხოვა ისეთი ტერმინების გამო, როგორებიცაა: "ოლიგარქი", "ოლიგარქის რეჟიმი", "კლანის მსახური მოსამართლე","ოლიგარქის დეპუტატი", "რეჟიმის პატიმრები", "არალეგიტიმური პარლამენტი", "კანონის ცალკეულ ნორმათა მოთხოვნების დარღვევისათვის".

კომუნიკაციების ეროვნულმა კომისიამ ქართული ოცნების საჩივრები კრიტიკული მედიის წინააღმდეგ დასაშვებად 5 ივნისს ცნო.

ოცნების ხელისუფლების პარლამენტმა 1-ელ აპრილს დაუჭირა მესამე მოსმენით მხარი "მაუწყებლობის შესახებ" კანონში ცვლილებებს. კანონის თანახმად, იზღუდება მაუწყებლის მიერ უცხოური ძალისგან პირდაპირი ან არაპირდაპირი დაფინანსების მიღება, მაუწყებლის ხარისხის რეგულირებისთვის ფართოვდება საქართველოს კომუნიკაციების ეროვნული კომისიის უფლებამოსილება, მუშაობის სტანდარტების ასამაღლებლად კი ე.წ. ბრიტანულ მოდელი ინერგება და მედიის რეგულირება კანონის რეგულირების სფეროში გადადის.

შეგახსენებთ, რომ კომუნიკაციების მარეგულირებელი კომისიის თავმჯდომარე, კახა ბექაური რამდენიმე ქვეყნის — ესტონეთის, ლიეტუვის და უკრაინის მიერაა დასანქცირებული.

ასევე იხილეთ: