"თითქოს FARA საქართველოში ზუსტად დაკოპირებულია ამერიკული FARA-დან, ვერ დაგეთანხმებით" — ამის შესახებ ეუთო/ოდირის დირექტორმა, მარია ტელალიანმა ეუთოს ყოველწლიურ საპარლამენტო ასამბლეაზე გამოსვლისას განაცხადა და აღნიშნა, რომ კანონი არასამთავრობო ორგანიზაციების უფლებებს ზღუდავს.

"არგუმენტი რაც ხშირად მესმის, თითქოს FARA საქართველოში ზუსტად დაკოპირებულია ამერიკული FARA-დან, ვერ დაგეთანხმებით. ჩვენ, რა თქმა უნდა, შევისწავლეთ აშშ-ში FARA და მინდა გითხრათ, რომ ამ კანონთან დაკავშირებით არსებობს სხვადასხვა დამცავი ბერკეტები, ხოლო საქართველოს შემთხვევაში, კანონი, რომელიც მიიღეს, გასული წლის კანონთან ერთად, კიდევ ერთხელ ზღუდავს არასამთავრობო ორგანიზაციების უფლებებს, გავლენას ახდენს სამოქალაქო საზოგადოების სრულფასოვან და ეფექტურ მუშაობაზე და ამცირებს იმ სივრცეს, რომელშიც ისინი მოქმედებენ. ჩვენ გქონდა შეხება ქართულ მხარესთან ამ კანონთან დაკავშირებით, რომ საბოლოო მიღებამდე მის შეფასებაში დახმარება მოეთხოვათ. ეს არის ჩვენი მანდატი, რომ დავეხმაროთ სახელმწიფოს, როდესაც იღებენ კანონებს, რომლებიც ეუთოს ვალდებულებებს არ შეესაბამება. რა თქმა უნდა, ჩვენი მცდელობებისა და დახმარებასთან დაკავშირებით ჩემი პერსონალური მოთხოვნების მიუხედავად, კანონი საბოლოოდ მაინც მიიღეს," — განაცხადა ეუთო/ოდირის დირექტორმა.

ასევე იხილეთ: