ამერიკის შეერთებული შტატების სახელმწიფო დეპარტამენტი მთელ მსოფლიოში აშშ-ის მოქალაქეებს მოუწოდებს, გამოიჩინონ სიფრთხილე. როგორც განცხადებაშია აღნიშნული, ისრაელსა და ირანს შორის კონფლიქტის გამო, შესაძლოა, აშშ-ის ის მოქალაქეებს, რომლებიც საზღვარგარეთ იმყოფებიან, საფრთხე შეექმნათ.

"ისრაელსა და ირანს შორის კონფლიქტმა გამოიწვია ახლო აღმოსავლეთში გადაადგილების შეფერხებები და საჰაერო სივრცის პერიოდული დახურვა. არსებობს აშშ-ის მოქალაქეებისა და საზღვარგარეთ მათი ინტერესების წინააღმდეგ დემონსტრაციების პოტენციალი. სახელმწიფო დეპარტამენტი მთელ მსოფლიოში აშშ-ის მოქალაქეებს მოუწოდებს, გამოიჩინონ მეტი სიფრთხილე", — ნათქვამია სახელმწიფო დეპარტამენტის განცხადებაში.

ცნობისთვის, შეერთებულმა შტატებმა 22 ივნისს ირანში სამ ძირითად ბირთვულ ობიექტზე, ფორდოუზე, ისპაჰანსა და ნათანზიზე, იერიში მიიტანა, რომლის შედეგადაც The Times of Israel-ის ცნობით, 86 ადამიანი დაშავდა. ატომური ენერგიის საერთაშორისო სააგენტოს ცნობით, დაბომბვის შედეგად ირანის ბირთვულ ობიექტებზე რადიაციის დონე არ გაზრდილა.