ოსკარის მფლობელი ბრიტანელი მსახიობი ქეით უინსლეტი ამერიკელი ფოტოგრაფის და ჟურნალისტის, ლი მილერი როლს შეასრულებს.

მილერი ერთ-ერთი წამყვანი ფოტოგრაფი იყო, რომელიც მეორე მსოფლიო ომის დროს მასალას Vogue-სთვის ამზადებდა.

ლი მილერი ერთ-ერთი პირველი იყო იმ ადამიანთა შორის, ვინც ნაცისტური საკონცენტრაციო ბანაკები ფირზე აღბეჭდა და მსოფლიოს იქ არსებული სიტუაცია გააცნო.

ფილმს მილერის ვაჟის, ენტონი პენროუსის წიგნის The Lives of Lee Miller მიხედვით გადაიღებენ.

"ძალიან მიხარია და კმაყოფილებით ვარ აღსავსე, რომ დედაჩემის როლს სწორედ ქეით უინსლეტი შეასრულებს. ერთი სული მაქვს ფართო საზოგადოებას გავუზიარო დედაჩემის, ლი მილერის ცხოვრება", - ამბობს პენროუსი.

როგორც ცნობილია, გადაღებები 2019 წლის შემოდგომაზე დაიწყება.