PayBox-მა ახალი კამპანია, ბედს ნუ გამოსცდი დაიწყო.

ცხოვრებაში შეიძლება ყველაფერი მოხდეს, ამიტომ უსიამოვნებების დრო არ არის — ამ ფრაზით იწყება ფეიბოქსის ახალი კამპანია — ბედს ნუ გამოსცდი, რომლის მიზანია აქცენტი ერთ კონკრეტულ გზავნილზე: ფეიბოქსი არსებობს იმისთვის, რათა ყოველდღიურ ცხოვრებაში უსიამოვნებები მაქსიმალურად ავიცილოთ თავიდან.

ფეიბოქსის დაკვეთით კამპანიაზე იმუშავა კრეატიულმა სააგენტო BlueBird - BB-მ, რომელმაც გადაწყვიტა, ყურადღება იმ მოულოდნელ სიტუაციებზე გაემახვილებინა, რომელიც ჩვენი ყოველდღიური ცხოვრების ნაწილია.

“კამპანიაზე მუშაობისას ჩვენთვის მნიშვნელოვანი იყო ისეთი კუთხიდან დაგვენახა ფეიბოქსი, რომელიც მომხმარებლის გადმოსახედიდანაც ახალი იქნებოდა. სწორედ ამიტომ გადავწყვიტეთ, წარმოგვედგინა ისეთი სიტუაციები, რომლებშიც ფეიბოქსი იქნებოდა ადამიანის მეგობარი და არა უბრალოდ გადახდის ტერმინალი. რეალურად, ასეც არის — ფეიბოქსი მოიცავს უამრავ სხვადასხვა სერვისს, რომლებსაც ჩვენი ყოველდღიური პრობლემების გადაჭრა შეუძლია და სწორედ ამის მიზეზ-შედეგობრიობის ჩვენება იყო ჩვენი მიზანი, რა შეიძლება მოხდეს ერთ მშვენიერ დღეს, თუკი თადარიგს არ დავიჭერთ.

კამპანია ამით არ სრულდება, მას გაგრძელებაც ექნება და კიდევ ბევრ ისეთ სიტუაციას წარმოვაჩენთ, რომელშიც მოწოდება — ბედს ნუ გამოსცდი, ბევრჯერ დაგვაფიქრებს.” — ამბობს BlueBird - BB-ის არტ-დირექტორი დიმიტრი სანაია.

მაგალითად, ისეთი ტიპის პრობლემები, რომლებიც თითქოს მარტივად მოსაგვარებელია, მაგრამ დროულად თუ არ მივხედეთ, დიდ ენერგიას წაგვართმევს, ვთქვათ: კომუნალურების გადახდა ვერ მოვასწარით, ინტერნეტი გაგვეთიშა, პარკინგზე დატოვებული მანქანა წაიყვანეს და სხვ.

ასეთ დროს, როგორც წესი, ადამიანები იმპროვიზაციაზე გადავდივართ — ვცდილობთ დახმარება ვთხოვოთ მეგობრებს, გადავდოთ საქმე ან უბრალოდ ბედს ვცდით. ამ მიდგომის საპირისპიროდ ჩნდება ფეიბოქსის გზავნილი: რატომ სცდი ბედს, როცა მარტივად შეგიძლია მოაგვარო?

ბედს ნუ გამოსცდი — არა მხოლოდ სლოგანი, არამედ მთელი კამპანიის ტონალობაა. კამპანიის ვიდეო, რომელიც ახლახან გამოვიდა, გვიჩვენებს სცენარს, რომელშიც ადამიანს ურთულდება დღე მხოლოდ იმიტომ, რომ გამოსავალზე წინასწარ არ აქვს ნაფიქრი.

ეს მიდგომა მნიშვნელოვან მარკეტინგულ სტრატეგიაზე მიუთითებს — ბრენდი არ ცდილობს მხოლოდ თავისი ფუნქციური უპირატესობის ჩვენებას, პირიქით, ის მომხმარებლის ადგილას დგას, გრძნობს მის სირთულეებს და სთავაზობს გამოსავალს.

“ცხოვრებაში ბევრი რამ შესაძლოა მოულოდნელად და არასასურველად განვითარდეს, თუმცა არსებობს მარტივი გზები, რომელთა წყალობით ყოველღიური ცხოვრების გამარტივება და უსიამოვნებების თავიდან აცილება შეგვიძლია. ამ გზებს შორისაა ფეიბოქსი — სწრაფი, მარტივი და მრავალფეროვანი სერვისებით. ის მთელი საქართველოს მასშტაბით 8000-მდე ლოკაციაზეა წარმოდგენილი, ხელმისაწვდომია ნებისმიერ დროს და მომხმარებელს აძლევს კონტროლის შეგრძნებას ყოველდღიურობაში.

კამპანიის სლოგანი, ბედს ნუ გამოსცდი — უნივერსალურია და PayBox-ის ტერმინალებში წარმოდგენილ ყველა სერვისს ერგება. ჩვენი მიზანი იყო კამპანიის ფარგლებში მომხმარებლებისთვის კიდევ ერთხელ წარმოგვეჩინა ფეიბოქსში არსებული სერვისების ფართო სპექტრი და, ასევე, იმის ხაზგასმა, რომ ჩვენი ტერმინალების დახმარებით ყოველდღიური საჭიროებების მარტივად მოგვარებაა შესაძლებელი: კომუნალური გადასახადების დაფარვა, მობილური ბალანსის შევსება, საბანკო ტრანზაქციების განხორციელება, სახელმწიფო სერვისებით სარგებლობა თუ სხვა” — ამბობს ფეიბოქსის მარკეტინგის მენეჯერი გიორგი მჭედლიშვილი.

ფეიბოქსის ძირითადი ღირებულება კომფორტი და სისწრაფეა — ტერმინალი გეხმარება მარტივად მართო ფინანსები, გადაიხადო კომუნალური გადასახადები, შეივსო მობილურის ბალანსი, გადაიხადო პარკინგი, შეიძინო საგზაო ბილეთები და ა.შ.

კამპანია სწორედ ამ იდეას უსვამს ხაზს: ნუ იქნები ბედისწერი იმედზე, სჯობს გამოიყენო ფეიბოქსი, რომელიც შენი ცხოვრების ყოველდღიური პრობლემების გადაჭრაში დაგეხმარება.