"როდესაც გამოდიხარ რამდენიმე ათასი ადამიანის წინაშე და ასეთ რაღაცას აკეთებ, ეს ნამდვილად არ შეესატყვისება ქართულ კულტურას. ეს არის უბრალოდ უკულტურობა", — განაცხადა "ოცნების" პრემიერმა, ირაკლი კობახიძემ კითხვაზე, რას ჰპირდება ქართული სახელმწიფო ერეკლე დეისაძეს, დაიცავს თუ არა მას.

კობახიძემ ისიც თქვა, რომ რუსული მხარის განცხადებები არ აინტერესებს.

შეგახსენებთ, რომ 25 მაისს, მუსიკოსმა ერეკლე

გეწაძემ Tbilisi Open Air-ზე რუსეთის დროშის გამოყენებით პერფორმანსი წარმოადგინა, რასაც ტელეგრამ-არხზე რუსეთის საგარეო საქმეთა სამინისტროს ოფიციალური წარმომადგენელი, მარია ზახაროვა გამოეხმაურა. მან დაწერა, რომ რუსეთის სამართალდამცავი ორგანოები ამ აღმაშფოთებელ ქმედებაზე სათანადო რეაგირებას მოახდენენ.

ამის შემდეგ, რუსეთის საგამოძიებო კომიტეტის ხელმძღვანელმა, ალექსანდრ ბასტრიკინმა, საგამოძიებო კომიტეტს ქართველი მუსიკოსის, ერეკლე გეწაძის პერფორმანსის გამოძიება დაავალა.