საქართველოში ევროკავშირის ელჩმა, პაველ ჰერჩინსკიმ პოლონეთის საელჩოს მიერ ორგანიზებულ ღონისძიებაზე — "რუსული საფრთხე და მისი აღქმა: პოლონური, უკრაინული და ქართული გამოცდილებების მიხედვით", განაცხადა, რომ ევროკავშირის დონეზე ცდილობენ სანქციების დაწესებას ქართული ოცნების წევრებისთვის და იმედი გამოთქვა, რომ მიაღწევენ იმ მომენტს, როცა 27 წევრი სახელმწიფო ერთსულოვანი იქნება.

"მას შემდეგ, რაც საქართველომ კანდიდატის სტატუსი მიიღო, ქმედებები და გადაწყვეტილებები, კანონები იქნა მიღებული, რომელიც ეწინააღმდეგება ევროკავშირის პრინციპებს და მის შესახებ არა ერთხელ იქნა თქმული ლიდერების მიერ.. ჩვენ ვთხოვეთ საქართველოს ნუ გააკეთებთ ამას, დაგვიახლოვდით და ნუ დაგვშორდებით, სამწუხაროდ ჩვენი მოწოდებების იგნორირება მოახდინეს.

უფრო უარესი ის არის, რომ ის, რაც საქართველოში რამდენიმე თვის განმავლობაში ვნახეთ, არის დაშინება, ძალადობა, სისასტიკე და სრული დაუსჯელობა იმ ადამიანების მიმართ, ვინც ქუჩაში ხალხს სცემდა. სწორედ ამიტომ, ევროკავშირი, ცდილობს სანქციების დაწესებას იმ ადამიანების მიმართ, ვინც პასუხისმგებელი არიან ძალადობაზე. მაგრამ სანქციების დაწესებისთვის, ჩვენ გვჭირდება 27 წევრი სახელმწიფოს თანხმობა. ჩვენ გვჭირდება ერთსულოვნება და ამ ეტაპზე, სამწუხაროდ, ჩვენ არ გვაქვს ერთსულოვნება. არიან წევრი ქვეყნები რომლებიც ამას ეწინააღმდეგებიან. სწორედ ამიტომ გადაწყვიტა ჩვენი წევრი სახელმწიფოების უმეტესობამ ორმხრივი სანქციების შემოღება და სულ უფრო მეტი ქვეყანაა, რომლებიც მიზნად ისახავენ ფიზიკურ პირებს, თანამდებობის პირების დასანქცირებას, რომლებიც პასუხისმგებელნი არიან ძალადობაზე თბილისისა და საქართველოს სხვა ქალაქების ქუჩებში.

ამავდროულად, ევროკავშირის დონეზე ჩვენ კვლავ ვცდილობთ სანქციების შემოღებას და იმედია მივაღწევთ იმ მომენტს, როდესაც 27 წევრი სახელმწიფო ერთსულოვნება იქნება. უნდა ვაღიარო, რომ იოლი არ არის გადაწყვეტილების მიღება 27 წევრს შორის. ისიც სიმართლეა, რომ ზოგჯერ ზედმეტად ნელა ვმოქმედებთ, მაგრამ ვმოქმედებთ მტკიცეთ. სამწუხაროდ მოვლენათა განვითარებას რასაც ვხედავთ აქვს შედეგები და მომავალშიც ექნება", — განაცხადა ელჩმა (ფორმულას თარგმანი).