დღეს დიდი დღეა - ამერიკის სატელევიზიო აკადემია წელს უკვე 69-ედ გასცემს ემის. წითელი ხალიჩა, ვარსკვლავები, მოლოდინები და აპლოდისმენტები, საინტერესო შოუ თბილისის დროით დილის 4 საათზე დაიწყება, წითელი ხალიჩა კი ერთი საათით ადრე.

ჩვენ უკვე ვიცით ნომინანტების ვინაობა და საკუთარი ფავორიტებიც გვყვავს, ვიცით ისიც, რომ წელს საინტერესო სანახაობა გველის, რადგან შოუს წამყვანი სტივ კოლბერტი იქნება, ნომინაციის წარმდგენებად კი ყველასათვის საყვარელი მსახიობები მოგვევლინებიან.

დარწმუნებული ვარ, მოუთმენლად ელით შოუს დაწყებას, ამიტომ გთავაზობთ იმ რესურსების ჩამონათვალს, სადაც შოუს ყურება შეგიძლიათ.

მაშ ასე, პირველი რა თქმა უნდა On.ge-ს ფეისბუქ გვერდია, სადაც მართალია ლაივი არ იქნება, მაგრამ უმოკლეს დროში დაიდება ფოტომასალა წითელი ხალიჩიდან, ყველაზე ადრე გაიგებთ გამარჯვებულების ვინაობას და საინტერესო ფაქტებს შოუს მსვლელობის დროს.

რაც შეეხება პირდაპირ ეთერს, პირველ რიგში თავად ემის ოფიცილურ გვერდზე შეგიძლიათ მისი ნახვა. იმ შემთხვევაში, თუ ლაივ სტრიმმა გაჭედა, გთავაზობთ ალტერნატიულ ვერსიებს:

CBS -ის ვებგვერდი

E! Online

People TV

CTV

YouTube

მიუხედავად იმისა, რომ ხვალ სამუშაო დღეა, მაინც გირჩევთ, რომ მოიმარაგოთ სასუსნავები და გაათენოთ ღამე On.ge-სთან ერთად.