აშშ-ის პრეზიდენტის, დონალდ ტრამპის ადმინისტრაცია მედიაკორპორაცია რადიო თავისუფლებას (RFE/RL) აშშ-ის კონგრესის მიერ დამტკიცებული სახსრებიდან 12 მილიონ დოლარს გამოუყოფს. აშშ-ს ფედერალური მოსამართლის, როის ლამბერტის გადაწყვეტილებით, აშშ-ის გლობალურმა მედიის სააგენტომ (USAGM) რადიო თავისუფლების აპრილის დაფინანსება უნდა გადარიცხოს. ინფორმაციას DW ავრცელებს.

მოსამართლე ლამბერტიმ დაასკვნა, რომ აშშ-ის პრეზიდენტ დონალდ ტრამპის ადმინისტრაციას არ შეუძლია ცალმხრივად გააუქმოს კონგრესის მიერ დამტკიცებული დაფინანსება.

რადიო თავისუფლების ადვოკატების თქმით, ტრამპის ადმინისტრაციამ ფრილანსერ ჟურნალისტებთან თითქმის ყველა კონტრაქტი შეწყვიტა, ქირის გადახდა შეაფერხა და 122 თანამშრომელი გაათავისუფლა. თუ დაფინანსება არ აღდგება, 1-ელ მაისს კიდევ უფრო მეტი სამუშაო ადგილი შემცირდება და კიდევ უფრო მეტი კონტრაქტი გაუქმდება, — ციტირებს AP მათ სიტყვებს.

თავის მხრივ, აშშ-ის მთავრობის ადვოკატები ამტკიცებენ, რომ დავა ფედერალური სარჩელების სასამართლოში სასამართლო პროცესის საგანი უნდა გახდეს.

2025 წლის ოქტომბრისთვის, რადიო თავისუფლება, სავარაუდოდ, აშშ-ის ფედერალური მთავრობისგან კიდევ 77 მილიონ დოლარს მიიღებს, რომელიც კონგრესმა მედია კომპანიის ოპერაციებისთვის გამოყო.

რადიო თავისუფალი ევროპა/რადიო თავისუფლება დამოუკიდებელი მედია კორპორაციაა, რომელიც 1953 წელს დაარსდა. მისი საქმიანობა დაფინანსებულია აშშ-ის კონგრესის მიერ გლობალური მედიის სააგენტოს მეშვეობით გამოყოფილი თანხებით.

თეთრ სახლში დაბრუნებიდან რამდენიმე კვირის შემდეგ, აშშ-ის პრეზიდენტმა დონალდ ტრამპმა ხელი მოაწერა აღმასრულებელ ბრძანებას შვიდი სამთავრობო უწყების, მათ შორის USAGM-ის, საქმიანობის შემცირების შესახებ. ეს სააგენტო ასევე ზედამხედველობს რადიო თავისუფლებას..

მარტის შუა რიცხვებში ამას მოჰყვა შეტყობინება, რომ რადიო თავისუფლების საქმიანობის გრანტის დაფინანსება წყდებოდა. თუმცა, მოგვიანებით, მარტის ბოლოს, აშშ-ის გლობალური მედიის სააგენტომ გადაწყვეტილება შეცვალა.

მეტი USAGM-ის, რადიო თავისუფლების, ამერიკის ხმის შესახებ.