ალეკო ცქიტიშვილმა პირადი ტრაგედიის მიუხედავად, იბრძოლა სხვა ბავშვებისთვის და ე.წ. სიკვდილის ზონა თბილისის ზღვის ტერიტორიაზე შემოიფარგლა", — ამის შესახებ ძლიერი საქართველოს ერთ-ერთმა ლიდერმა, ანა დოლიძემ ადამიანის უფლებათა ცენტრის ხელმძღვანელ ალეკო ცქიტიშვილზე საუბრისას განაცხადა, რომლის სახლიც 29 აპრილს პროკურატურის წარმომადგენელება გაჩხრიკეს.

ანა დოლიძის ინფორმაციით, 2018 წელს, ალეკო ცქიტიშვილთან ერთად დაიწყო კამპანია "იცურე მშვიდად", რომლის ფარგლებში შეიმუშავეს რეკომენდაციები და წარვუდგინეთ ადგილობრივი ხელისუფლების წარმომადგენლებს, თუ რა უნდა გაეკეთებინათ წყლის ობიექტებთან დაკავშირებით.

"2018 წელს, ალეკო ცქიტიშვილთან ერთად დავიწყე კამპანია “იცურე მშვიდად”, რომლის ფარგლებში შევიმუშავეთ რეკომენდაციები და წარვუდგინეთ ადგილობრივი ხელისუფლების წარმომადგენლებს, თუ რა უნდა გაეკეთებინათ მათ წყლის ობიექტებთან დაკავშირებით. ამ კამპანიის მიზანი იყო ზღვაში, ტბებსა და მდინარეებში სიკვდილიანობა შეგვემცირებინა. ალეკო ცქიტიშვილის ბრძოლის შედეგად შემოიფარგლა თბილისის ზღვის ტერიტორიაზე არსებული ე.წ. ჩანჩქერის ტერიტორია. მისი პირადი ტრაგედიის მიუხედავად, მან იბრძოლა სხვა ბავშვებისთვის და ე.წ. სიკვდილის ზონა თბილისის ზღვის ტერიტორიაზე შემოიფარგლა. ამის შედეგად ჩვენ ათობით ბავშვი დავიცავით და გავხადეთ ეს ტერიტორია უსაფრთხო. ქართულ ოცნებას ეს არ აინტერესებს და ასეთ ადამიანებს ერჩის. კორუმპირებულ ბანდას მხოლოდ “იცურე მშვიდად” პროექტი გადაწონის", — განაცხადა ანა დოლიძემ, რომლის კომენტარსაც პრესსამსახური ავრცელებს.

2021 წელს, თბილისის ზღვაზე შემოღობეს ე.წ. ჩანჩქერის ტერიტორია, სადაც შსს-ს მონაცემებით, 2015-2017 წლებში 6 ადამიანი დაიღუპა. კამპანია "იცურე მშვიდად" მას შემდეგ დაიწყო, რაც თბილისის ზღვაზე, ე.წ. ჩანჩქერის ტერიტორიაზე, 15 წლის ცოტნე ცქიტიშვილი დაიხრჩო. მას შემდეგ მისი მამა, ალეკო ცქიტიშვილი, ამ ტერიტორიის შემოღობვას ითხოვდა.