ბედნიერი ვიყავი, რომ გუშინ ვიხილე ის, მიუხედავად იმისა, რომ აშკარად მძიმედ იყო ავად, - აშშ-ს ვიცეპრეზიდენტი ჯეი დი ვენი რომის პაპ ფრანცისკეს გარდაცვალებას X-ზე ეხმაურება.

ის წერს, რომ "ყოველთვის ემახსოვრება მისი ქადაგებ Covid-ის ძალიან ადრეულ პერიოდში"

"ახლახან შევიტყვე პაპი ფრანცისკეს გარდაცვალების შესახებ. გულითადად ვუსამძიმრებ მილიონობით ქრისტიანს მთელ მსოფლიოში, რომლებსაც ის უყვარდათ.

ბედნიერი ვიყავი, რომ გუშინ ვიხილე ის, მიუხედავად იმისა, რომ აშკარად მძიმედ იყო ავად. მაგრამ ყოველთვის მემახსოვრება მისი ქადაგება, რომელიც მან Covid-ის ძალიან ადრეულ პერიოდში წარმოთქვა. ეს მართლაც ძალიან ლამაზი იყო.

დაე უფალმა განუსვენოს მისი სული", – წერს აშშ-ს ვიცეპრეზიდენტი.

ჯეი დი ვენსი პაპ ფრანცისკეს გუშინ, 20 აპრილს შეხვდა.

რომის პაპი ფრანცისკე 88 წლის ასაკში, ავადმყოფობის შემდეგ, 21 აპრილს გარდაიცვალა. ინფორმაციას ვატიკანი ავრცელებს. მათი ცნობით, პაპის გარდაცვალების შესახებ კარდინალმა კევინ ფარელმა განაცხადა.

ფრანცისკე რომის 266-ე პაპად 2013 წლის 13 მარტს აირჩიეს, მას შემდეგ, რაც მისი წინამორბედი ბენედიქტ XVI გადადგა.

რომის პაპი ფრანცისკე 88 წლის ასაკში ავადმყოფობის შემდეგ გარდაიცვალა.