რ.ჯ პალაციოს მკითხველები განსაკუთრებულად ელოდებიან ნოემბერს, რადგან სწორედ ამ პერიოდში გამოდის საოცრების ეკრანიზაცია ჯულია რობერტსისა და ჯეიკობ თრამბლის მონაწილეობით.

ფილმის პრომოუშენიდან გამომდინარე, წიგნის გამომცემელმა და პროდიუსერმა გადაწყვიტეს ამერიკის სკოლებში მასწავლებლებისთვის შეეთავაზებინათ, რომ საზაფხულო არდადეგებზე მოსწავლეებისთვის საოცრების წაკითხვა დაევალებინათ და შეექმნათ კლუბი - აირჩიე სიკეთე.

ამ წამოწყებაში მონაწილეობა თითქმის ყველა ამერიკულმა სკოლამ მიიღო და ჯგუფში საერთო ჯამში უკვე ათეულობით ათასი მოსწავლეა გაწევრიანებული.

აღსანიშნავია, რომ ამ აქციის ფარგლებში რ.ჯ პალაციოს წიგნმა მოახერხა და კიდევ ერთხელ გახდა გაყიდვების ლიდერი.

როგორც ცნობილია, ჯეიკობ თრამბლი და ჯულია რობერტსი ფილმის სარეკლამო კამპანიის ფარგლებში ოქტომბრიდან ყველა იმ სკოლას ეწვევიან, რომელშიც ე.წ სიკეთის კლასები გაიხსნა, ასეთი კი ამერიკის მასშტაბით უკვე რამდენიმე ათასია.

რ. ჯ. პალაციოს წიგნი საოცრება დეფორმირებული სახით დაბადებული ავგუსტ პულმანის ისტორიაზეა.

ფილმის პრემიერა 2017 წლის 17 ნოემბერს არის დაგეგმილი. ხოლო მის გამოსვლამდე აუცილებლად წაიკითხეთ წიგნი, რომლის ქართული თარგმანიც ბაკურ სულაკაურის გამომცემლობამ გამოსცა.