ოცნების საპარლამენტო დელეგაციამ, რომელსაც განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე ხელმძღვანელობს, ინდოეთში შეხვედრები გამართა. ისინი დელის უნივერსიტეტისა და ინდოეთის უნივერსიტეტების ასოციაციის ხელმძღვანელებს შეხვდნენ.

შეხვედრებზე ყურადღება გამახვილდა განათლების სფეროში, განსაკუთრებით უმაღლესი განათლებისა და მეცნიერების მიმართულებით, თანამშრომლობის გაძლიერების მნიშვნელობაზე.

მხარეებმა იმსჯელეს საქართველოს და ინდოეთის უმაღლესი საგანმანათლებლო დაწესებულებების მიერ ორმაგი ხარისხის პროგრამებისა და ერთობლივი კვლევების განხორციელების შესაძლებლობებსა და სამომავლო თანამშრომლობის გზებზე.

ოცნების პარლამენტის დელეგაციის შემადგენლობაში არიან: განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე, კომიტეტის წევრები გიორგი სოსიაშვილი და ვლადიმერ ბოჟაძე.