გენერალურმა პროკურატურამ, ნაციონალური მოძრაობის ხელისუფლების საქმიანობის შემსწავლელი პარლამენტის დროებითი საგამოძიებო კომისიის სხდომაზე გამოუცხადებლობის გამო, ძლიერი საქართველოს ლიდერ მამუკა ხაზარაძესთან დაკავშირებით გამოძიება "სისხლის სამართლის კოდექსის" 349-ე მუხლით დაიწყო. ამის შესახებ "ინტერპრესნიუსს" გენერალურ პროკურატურაში განუცხადეს.

პროკურატურამ გამოძიება კომისიის მიმართვის საფუძველზე დაიწყო.

25 მარტის კომისიის სხდომაზე შპს "მაგნატის" საქმე განიხილეს, სადაც დაკითხვაზე დაბარებული იყვნენ მამუკა ხაზარაძე და ბადრი ჯაფარიძე. დღეს თეა წულუკიანმა განაცხადა, რომ კომისიაში არ გამოცხადების გამო, ბადრი ჯაფარიძეს საქმესაც პროკურატურას გადასცემს.

"კომისიის სამდივნო ბოლო რამდენიმე დღის განმავლობაში ინტენსიურად უკავშირდებოდა როგორც მას, ბადრი ჯაფარიძეს, ასევე მამუკა ხაზარაძეს და სთხოვდა მობრძანებას კომისიის წინაშე და შპს "მაგნატის" საქმის შესახებ კომისიის კითხვებზე გაცემას. მაგრამ ბატონმა ბადრი ჯაფარიძემ არ ისურვა კომისიასთან კონტაქტ.

მე გთავაზობთ კომისიას, რომ სისხლის სამართლის დანაშაულის ნიშნები უკვე არის, სავარაუდოდ, სახეზე. დანარჩენს პროკურატურა შეაფასებს სამართლებრივად და გთავაზობთ კენჭისყრაზე დავაყენოთ საკითხი ბატონო ბადრი ჯაფარიძის ქმედების შესახებ", — თქვა თეა წულუკიანმა.

თეა წულუკიანი ბადრი ჯაფარიძის საქმეს, კომისიაში არ გამოცხადების გამო, პროკურატურას გადასცემს

კომისიაში არ გამოცხადების გამო წულუკიანი მამუკა ხაზარაძეს პროკურატურით ემუქრება

სოზარ სუბარი: თუ საგამოძიებო კომისიაზე არ მოვლენ მამუკა ხაზარაძე და ბადრი ჯაფარიძე, ეს არის დანაშაული, რომელიც 1 წლამდე პატიმრობას ითვალისწინებს