საქართველოს პრემიერის გერმანიაში ვიზიტისას მისთვის გამართულ საზეიმო დახვედრაზე გერმანიის კანცლერმა ანგელა მერკელმა საქართველო-რუსეთის ურთიერთობები შეაფასა და დასძინა, რომ გერმანია საქართველოს ტერიტორიულ მთლიანობას მხარს უჭერს.

მერკელმა პოზიტიურად შეაფასა საქართველოს "პრაგმატული ნაბიჯები" რუსეთთან:

"ძალიან გვიხარია, რომ საქართველო პრაგმატულ ნაბიჯებს დგამს რუსეთთან, გერმანია მხარს უჭერს საქართველოს ტერიტორიულ მთლიანობას და აქ მოიაზრება აფხაზეთი და ე.წ. სამხრეთ ოსეთი".

მერკელმა აღნიშნა, რომ კარგია, რომ ჰუმანიტარული კონტაქტები ამ რეგიონებთან არსებობს და მისასალმებელია საქართველოს სურვილი ჟენევის ფორმატში გამართულ მოლაპარაკებებში წარმატების მისაღწევად.

ეს გიორგი კვირიკაშვილის პირველი ვიზიტია გერმანიაში პრემიერის რანგში.