"დგება ხალხის გაზაფხული" — 31 მარტს 20:00 საათზე პარლამენტთან საპროტესტო აქცია გაიმართება. ამის შესახებ ინფორმაციას "დაიტოვე" ავრცელებს.

მათ ცნობით, 21:00 საათზე პარლამენტთან შეკრებილებს საქართველოს მე-5 პრეზიდენტი სალომე ზურაბიშვილი მიმართვას.

"გრძელი და ცივი ღამეების შემდეგ, უსასრულო ყინვების და გადაღლილობის შემდეგ, როცა გარშემო ჯერ ისევ სიბნელეა, ზუსტად მაშინ დგება გაზაფხული.

და იწყებს გაღვიძებას ყველაფერი რაც აქამდე იკრებდა ძალას.

მიწის ზემოთ ამოდის სიცოცხლე, დღის შუქზე ბრწყინავს ყველა ის ფერი, რომელიც აქამდე არ ჩანდა.

სიბნელე უკან იხევს. სინათლე იკავებს თავის კუთვნილ ადგილს.

და ჩვენს ქუჩაზეც მოდის გაზაფხული. ახალი სიცოცხლით, ახალი ძალებით მოდის ხალხის გაზაფხული.

31 მარტს, 20:00 საათზე, ვიკრიბებით რუსთაველზე.

21:00 საათზე საზოგადოებას სიტყვით მიმართავს საქართველოს პრეზიდენტი - სალომე ზურაბიშვილი", — ნათქვამია გავრცელებულ განცხადებაში.