გერმანიის პოლიცია 46 წლის ქართველ კაცს ეძებს, რომელმაც საზოგადოებრივ ტრანსპორტში ცოლს აალებადი სითხე, სავარაუდოდ საწვავი, შეასხა.

შემთხვევა აღმოსავლეთ გერმანიის ქალაქ გერას ტრამვაიში მოხდა. მას შემდეგ რაც 46 წლის მამაკაცმა ცოლს სითხე შეასხა, ქალს ცეცხლი წაეკიდა. გარშემო მყოფებმა ცეცხლი ახლომდებარე ცეცხლმაქრით ჩააქრეს. თავდამსხმელი შემთხვევის ადგილიდან მიიმალა. ინფორმაციას CBS News ავრცელებს.

როგორც პოლიციის წარმომადგენელმა თქვა, ქალი საავადმყოფოში ვერტმფრენით გადაიყვანეს. პოლიციის ოფიცრები თავდამსხმელს ამ დრომდე ეძებენ. უცნობია დაშავებული ქალის ეროვნება.

საერთაშორისო მედია წერს, რომ თავდამსხმელი წარმოშობის ქართველი, სავარაუდოდ, თენგიზ კაკიაშვილია, რომელიც ამჟამად ეჭვმიტანილის სტატუსით ეძებენ. თავდასხმის მოტივი ან გამოყენებული სითხის ტიპი უცნობია. პოლიციამ გააფრთხილა საზოგადოება, რომ მოერიდონ შესაძლო თავდამსხმელთან მიახლოებას.