2001 წლის 11 სექტემბერს, ნიუ-იორკში, მსოფლიო სავაჭრო ცენტრზე, ტერორისტული თავდასხვმა დღემდე რჩება მსოფლიოს ერთ-ერთ ყველაზე შემზარავ ტრაგედიად.

ტერორისტული აქტის შემდეგ ადგილზე ათასობით პოლიციელი, მაშველი და მეხანძრე იყო მობილიზებული, რომლებიც ტრაგედიის ადგილიდან გადარჩენილების გამოყვანას ცდილობდნენ, მათ შორის ერთ-ერთი ჰოლივუდის ვარსკვლავი, სტივ ბუშემი იყო.

მსახიობი ყოველ დღე, 12 საათის განმავლობაში ეხმარებოდა მაშველებსა და მეხანძრეებს ნანგრევებიდან ხალხის გამოყვანასა თუ სხვა სამაშველო საქმიანობაში.

როგორც ცნობილია, ბუშემი, მანამ სანამ მსახიობი გახდებოდა, 18 წლის ასაკში ნიუ-იორკის სახანძრო სამსახურში მივიდა და სპეციალური კურსები გაიარა, სწორედ ეს კურსები დაეხმარა მას რომ ტერაქტის შემდეგ მაშველების გვერდით მდგარიყო.

"ჩემთვის დიდი პატივი იყო ვმდგარიყავი ამ ადამიანების, გმირი მეხანძრეების გვერდით და მათთან ერთად გამეკეთებინა ჩემი საქმე. ბევრი ამბობს რომ მაშინ თითოეული ჩვენგანი დიდ საფრთხეში იგდებდა თავს, მაგრამ როცა მუშაობ ამას ვერ აცნობირებ", - ამბობს ბუშემი.

სტივ ბუშემის ისტორიებს იხსენებენ თავად მეხანძრეები და თვითმხილველებიც.

"ბევრი ადამიანი სტივ ბუშემს როგორც მსახიობს ისე იცნობს, მაგრამ იმ დღეს ყველა მივხვდით, რომ ის ჩვეულებრივი, მამაცი ნიუ-იორკელია", - ამბობს ერთ-ერთი მეხანძრე ვინც სტივ ბუშემის გვერდით იყო.

"1976 წელს სტივმა ნიუ-იორკის სახანძრო დეპარტამენტში სპეციალური წვრთნა გაიარა, მაშინ სულ რაღაც 18 წლის იყო, 1980 წელს კი ჩვენი ქალაქის მეხანძრეც გახდა. შემდეგ ის ჩვენგან წავიდა და ცნობილი, წარმატებული მსახიობი გახდა. 9/11-ის დროს ძმა სტივი დაგვიბრუნდა და ჩვენთან ერთად შეეჭიდა ყველაზე რთულ საქმეს", - ამბობს ნიუ-იორკის სახანძრო განყოფილების თანამშრომელი.

"სტივი პირველად 12 სექტემბერს ვნახე, 12 საათიანი მუშაობით დაღლილი. ის გმირულად და მამაცურად იდგა სხვა მეხანძრეების გვერდით და მსოფლიო სავაჭრო ცენტრის ნანგრევებში გადარჩენილებს ეძებდა. ბევრი ფოტოგრაფი და ჟურნალისტი ცდილობდა მის გადაღებასა თუ ჩაწერას, მაგრამ ის ყველას უარით ისტუმრებდა, რადგან ამას მაყურებლებისთვის არ აკეთებდა", - იხსენებს თვითმხილველი.

როგორც ცნობილია, ბუშემი დღემდე ირიცხება ნიუ-იორკის სახანძრო დეპარტამენტში და მზად არის საჭიროების შემთხვევაში მათთან ერთად იდგეს.