რუსეთის პრეზიდენტმა, ვლადიმერ პუტინმა, 13 მარტს განაცხადა, რომ რუსეთის არმიამ დასავლეთ კურსკის რეგიონში უკრაინელი სამხედროები ალყაში მოაქცია.

პუტინის თქმით, მას შემდეგ, რაც ხელმძღვანელობას უბრძანა, რეგიონიდან უკრაინელები რაც შეიძლება მალე განედევნათ, სიტუაცია კურსკში სრულად კონტროლის ქვეშ მოექცა.

უკრაინის არმიის ხელმძღვანელობამ უარყო, რომ მათი ჯარისკაცები ალყაში არიან, თუმცა განაცხადა, რომ ისინი უკეთეს თავდაცვით პოზიციებზე ლაგდებიან. უკრაინის არმიის გენერალური შტაბის თქმით, 13 მარტს უკრაინელებმა კურსკში რუსეთის 5 თავდასხმა მოიგერიეს 4 სხვადასხვა ლოკაციაზე.

რუსმა სამხედრო კორესპონდენტმა სუჯის მახლობლად მძლავრი უკრაინული საარტილერიო თავდასხმა გადაიღო. პუტინის თქმით, უკრაინელ სამხედროებს გზა მოუჭრეს და "თუ ფიზიკური ბლოკადა მოხდება მომდევნო დღეებში, მას ვერავინ დატოვებს — დარჩება მხოლოდ ორი გზა: დანებება ან სიკვდილი".

2024 წლის აგვისტოში უკრაინის არმიის კურსკში შეჭრის მიზანი რუსეთის სისუსტის ჩვენება და მათი ძალების ფრონტის ძალიდან სხვა მიმართულებით გადასროლა იყო. უკრაინის არმია 1941 წელს ნაცისტური გერმანიის შემდეგ პირველი იყო, რომელიც რუსეთის ტერიტორიაზე შეიჭრა.

მიუხედავად ამისა, ჩრდილოეთკორეელი სამხედროების დახმარებით, რუსეთმა მაინც შეძლო ტერიტორიების ეტაპობრივი დაბრუნება. პუტინის მზარდი თავდაჯერებულობა აისახა მის მიერ 12 მარტს კურსკის მიმართულებაზე სამხედრო ფორმით გამოჩენაშიც.