თეატრალური უნივერსიტეტი სოციალურ ქსელში პოსტს აქვეყნებს, რომელშიც ვკითხულობთ, რომ უნივერსიტეტის რექტორმა, გიორგი შალუტაშვილმა, მიიღო გადაწყვეტილება, აღუდგინოს ეთიკის კომისიის მიერ შეწყვეტილი სტატუსი უნივერსიტეტის გაფიცულ სტუდენტებს.

"სტუდენტების, პედაგოგებისა და თანამშრომლების განცხადებების საფუძველზე, უნივერსიტეტის საუკეთესო ინტერესებიდან გამომდინარე, რექტორმა მიიღო გადაწყვეტილება, არ გამოიყენოს სტუდენტების მიმართ დისციპლინური პასუხისმგებლობის უკიდურესი ზომა — სტატუსის შეწყვეტა", — ვკითხულობთ პოსტში.