საქსტატის მონაცემებით, 2024 წლის თებერვალში იმპორტი 1181.7 მლნ აშშ დოლარი იყო, ექსპორტი 464,7 მლნ აშშ დოლარი;

2025 წლის თებერვალში — იმპორტი 1099.8 მლნ აშშ დოლარი, ექსპორტი - 431.5 მლნ აშშ დოლარი.

შესაბამისად, 2025 წლის თებერვალში, 2024 წლის თებერვალთან შედარებით, ექსპორტი 7.1%-ით, ხოლო იმპორტი 6.9%-ით შემცირდა.

რაც შეეხება იანვარ-თებერვლის მონაცემებს, საქსტატის ცნობით, 2025 წლის იანვარ-თებერვალში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 3 564.0 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 15.4%-ით მეტია.

აქედან, ექსპორტი 835.4 მლნ. აშშ დოლარი იყო (გაიზარდა 4.0 პროცენტით), ხოლო იმპორტი 2 728.6 მლნ. აშშ დოლარი (გაიზარდა 19.5 პროცენტით). უარყოფითმა სავაჭრო ბალანსმა 2025 წლის იანვარ-თებერვალში 1 893.3 მლნ. აშშ დოლარი შეადგინა, რაც საგარეო სავაჭრო ბრუნვის 53.1 პროცენტია.