დღეიდან, ევროკავშირში იმპორტირებულ ფოლადსა და ალუმინზე ამერიკის შეერთებულმა შტატების მიერ დაწესებული 25%-იან ტარიფი ამოქმედდა.

Politico-ს ცნობით, ამის საპასუხოდ, ევროპამ, 12 მარტის დილიდან, $25 მლრდ-ის ღირებულების საქონელზე საპასუხო ტარიფები დააწესა აშშ-დან იმპორტირებულ საქონელზე.

აშშ-ს პრეზიდენტის, დონალდ ტრამპის მიერ დაწესებული 25%-იანი ტარიფი, როგორც მოსალოდნელი იყო, შუაღამისას ამოქმედდა. ევროკავშირმა აშშ-ს გაზრდილ ტარიფს რამდენიმე საათში საკულტო ამერიკულ საქონელზე საპასუხო გაზრდილი ტარიფებით უპასუხა.

გამოცემა წერს, რომ ტრამპმა წუხელ ბიზნეს-კომპანიების ლიდერებს უთხრა, რომ ტარიფები აუცილებელი იყო და რომ მიმდინარე ტურბულენტობა სხვა არაფერია, თუ არა "გარდამავალი პერიოდი".

ევროკავშირის მიერ დაწესებულ საპასუხო ტარიფების დაწესებაზე კომენტარი გააკეთა ევროკომისიის პრეზიდენტმა ურსულა ფონ დერ ლაიენმა.

მან ბლოკის საპასუხო ზომებს "ძლიერი, მაგრამ პროპორციული" უწოდა და ხაზგასმით აღნიშნა, რომ ევროკავშირი რჩება "ღია დიალოგისთვის" და სურს დაასრულოს სავაჭრო ომი რაც შეიძლება სწრაფად. "ტარიფები გადასახადებია. ისინი ცუდია ბიზნესისთვის და კიდევ უფრო უარესი მომხმარებლებისთვის", — თქვა მან.

POLITICO-ს ცნობით, "ევროკომისიამ განაცხადა, რომ 1-ლი აპრილიდან საპასუხო დააწესებს ტარიფებს აშშ-ს 8 მილიარდი ევროს ღირებულების საქონელზე — მათ შორის, ისეთ ამერიკულ პროდუქტებზე, როგორიცაა Harley-Davidson-ის მოტოციკლები, ბურბონი და ჯინსები. ამას გარდა, ევროკავშირი აპრილის შუა რიცხვებიდან დააყენებს დამატებით საპასუხო ზომებს 18 მილიარდ ევროზე მეტი ღირებულების ამერიკულ საქონელზე.

27 ქვეყნის ბლოკს — საერთო ბაზარს, რომელიც მოიცავს 450 მილიონ ადამიანს — სურს გაუგზავნოს უტყუარი გზავნილი აშშ-ს, რომ ევროკავშირი სერიოზულადაა განწყობილი დაიცვას თავისი ეკონომიკური ინტერესები, თუ ტრამპი სრულმასშტაბიანი სავაჭრო ომი წამოიწყებს.

ამავე თემაზე:

აშშ-კანადის სავაჭრო ომი გრძელდება — ტრამპი კანადის ფოლადსა და ალუმინზე ტარიფებს 50%-მდე ზრდის

ტრამპმა 2 აპრილამდე შეაჩერა ტარიფები მექსიკური და კანადური იმპორტის ნაწილზე

ჩინეთი და კანადა აშშ-ს საპასუხო ტარიფებს უწესებენ

ჯასტინ ტრუდო: ჩვენ ტარიფებს არ გავიწვევთ იქამდე, სანამ ამას შეერთებული შტატები არ გააკეთებს

ტრამპი ჩინეთიდან იმპორტირებულ საქონელზე ტარიფს აორმაგებს, მექსიკისა და კანადისთვის დაწესებული 25 %-იანი ტარიფები დღეიდან ამოქმედდება

აშშ-ის ტარიფების პასუხად, ევროკავშირი ინდოეთთან თავისუფალი ვაჭრობის შეთანხმებას ხელს მოაწერს

აშშ მექსიკას, კანადასა და ჩინეთს ტარიფებს 4 მარტს დაუწესებს