ირანის პრეზიდენტი, მასუდ ფეზეშქიანი, პასუხობს დონალდ ტრამპს, რომელმაც 10 მარტს განაცხადა, რომ ირანს წერილით მიმართა და მოუწოდა, ახალი ბირთვული შეთანხმების მისაღწევად მოლაპარაკებების მაგიდას მიუჯდეს.

"სამარცხვინოა ის, რაც თქვენ ზელენსკის გაუკეთეთ! ჩვენთვის მიუღღებელია, რომ აშშ გვაძლევს ბრძანებებს და გვემუქრება. არ ვაპირებ თქვენთან მოლაპარაკებას, რა ჯანდაბაც გინდათ, ის ქენით!", — განაცხადა მასუდ ფეზეშქიანმა.

ერთი დღით ადრე, ირანის სულიერმა ლიდერმა, აიათოლა ალი ხამენეიმ განაცხადა, რომ ირანს მოლაპარაკებებში შესვლას ვერავინ აიძულებს.

დონალდ ტრამპი აპირებს ხელახლა განახორციელოს "მაქსიმალური ზეწოლის" კამპანია, რომელსაც პრეზიდენტობის პირველ ვადაში მიმართავდა, რათა ირანი გლობალური ეკონომიკისგან მოწყვეტილ მდგომარეობაში დატოვოს და მისი ნავთობის ექსპორტი ნულამდე დაიყვანოს.