გელათს გამოზამთრება ისევ დაუცველი სახურავით უწევს. თებერვალში, იმერეთში მოსულმა დიდმა თოვლმა დაფარა როგორც მთავარი, ისე წმინდა გიორგის ტაძრის დაზიანებული სახურავები. გელათის რეაბილიტაციის კომიტეტი გვარწმუნებს, რომ მთავარი ტაძრის საკურთხეველი მეორე დღესვე გადათოვლეს. თუმცა, არ გვაქვს გარანტია, რომ ერთი დღის განმავლობაში, თოვლის ნადნობმა წყალმა აფსიდის კრამიტიდან არ გაჟონა და მის ქვეშ არსებული ისტორიული მოზაიკა არ დააზიანა.

ხელოვნებათმცოდნე მზია ჯანჯალია ამბობს, რომ გელათის რეაბილიტაციის კომიტეტს მუდმივად მიმართავდნენ, რომ ტაძარი არის დაუცველი და დროებითი გადახურვის კონსტრუქცია არსებული სახით ნალექებისგან დაცვის ფუნქციას ვერ ასრულებს.

როგორც გელათის რეაბილიტაციის კომიტეტმა დააანონსა, გელათში სამუშაოები, წესით, დღეიდან უნდა განახლდეს. გერმანელმა და ქართველმა სპეციალისტებმა ტაძრის გუმბათის დროებითი გადახურვის კონსტრუქცია უნდა დაასრულონ.

წაიკითხეთ სრულად ifact.ge-ზე.