Novaya Gazeta Europe-ს ინფორმაციით, პარტია ედინაია რასიას ადგილობრივმა წარმომადგენლებმა მურმანსკის ოლქში, 8 მარტისთვის საჩუქრად, უკრაინის ომში დაღუპული ადგილობრივი ჯარისკაცების დედებს ხორცსაკეპი მანქანები და ყვავილები გადასცეს.

საჩუქრები ქვეყნის მასშტაბით ინიციატივის — "ყვავილები გმირთა დედების" ნაწილია, რომელიც ქალთა საერთაშორისო დღეს, 8 მარტს ემთხვევა.

"პრეზიდენტმა 2025 წელი სამშობლოს დამცველის წლად გამოაცხადა. ჩვენი მოვალეობა და პასუხისმგებლობაა, სამშობლოს გმირების დედებს ყურადღება და თანადგომა აღმოვუჩინოთ არა სიტყვით, არამედ საქმით," — ნათქვამია ედინაია რასიას მიერ გამოქვეყნებულ პოსტში.