გუშინ ილია თოფურიას ინსტაგრამზე მის გამომწერებს მოულოდნელი სიახლე დახვდათ – UFC-ის ჩემპიონი მარველის ერთ-ერთი ყველაზე პოპულარული პერსონაჟის, Daredevil-ის სერიალის თიზერში გამოჩნდა. ამან ფანების ვარაუდები გამოიწვია.

ვიდეოსთან დაკავშირებით თოფურიას გულშემატკივრებმა სოციალურ ქსელში საკუთარი აზრები დააფიქსირეს:

"ელ მატადორის სამსახიობო დებიუტს ვიხილავთ?" – წერს ერთ-ერთი ფანი.

"ილია მალე UFC-ს სუპერვარსკვლავი გახდება"

ბევრი გულშემატკივარი იმასაც წერს, რომ ილია თოფურიას გამოჩენა ესპანური Disney Plus-ის ვიდეოში მხოლოდ რეკლამაა და მეტი არაფერი.

ფოტო: X

ამჟამად ილია თოფურიას მომავალი UFC-ს მაყურებელთა შორის მნიშვნელოვანი განხილვის საგანია, რადგან მან UFC-ის ქვემსუბუქი წონა დატოვა და ჩემპიონის ქამარი ვაკანტური გახადა. "თოფურია გრძნობს, რომ მან ყველაფერი გააკეთა ამ დივიზიაში. მან დატოვა საკუთარი მემკვიდრეობა. მის სხეულს აღარ შეუძლია წონის კლება, ამიტომ თოფურია მსუბუქ წონაში გადაიწევს, მისი ტიტული კი ვაკანტური გახდება", - განაცხადა დენა უაითმა, UFC-ის პრეზიდენტმა.