ამერიკულ ღამის შოუში The Daily Show, ალეკო ელისაშვილის მიერ მამუკა მდინარაძისთვის მოქნეული ისტორიული მუშტი მოხვდა.

შოუში ტრამპის კონგრესში გამოსვლას განიხილავდნენ, სადაც ამერიკის პრეზიდენტმა თეატრალურად ისაუბრა საერთაშორისო დაფინანსებაზე, თავისი პოლიტიკის წარმატებაზე, ემიგრაციაზე და, ცხადია, ილონ მასკზე.

The Daily Show-ს წამყვანები იუმორისტულად განიხილავდნენ ტრამპის აგრესიული დამოკიდებულებისა და ტყუილების კასკადის შესაჩერებელ სავარაუდო ტექნიკებს, რა დროსაც საქართველოს პარლამენტში ალეკო ელისაშვილისა და მამუკა მდინარაძის ცნობილი კადრი აჩვენეს.

"შეხედეთ საქართველოს, აი, ვიღაცას სახეში უთავაზეს!' — ამბობს კომიკოსი რონი ჩინგი და პარლამენტის კადრს აჩვენებს.

"ვხვდები რასაც ამბობ, ალბათ იმის თქმა გინდა, რომ ამერიკაში უკეთ უნდა მოვიქცეთ, არა?" — პასუხობს შოუს წამყვანი, მაიკლ კოსტა.

"არა, მე იმას ვამბობ, რომ ჩვენც ასე უნდა მოვიქცეთ!" — ასრულებს თავის გამოსვლას ჩინგი.