ოზურგეთის მუნიციპალიტეტის საკრებულოს წევრი ბესო ქათამაძე „ფორმულასთან“ საუბრისას ამბობ, რომ ყველაზე მძიმე მდგომარეობა ლანჩხუთის მუნიციპალიტეტის სოფლებშია, სადაც არა ერთი სიცხიანი ბავშვია სოფლებში და უგზოობის გამო გადაადგილება ჭირს. სოფელი შრომაში კი 60 სახლია დანგრეული.

"ნამდვილად არ გვაქვს სახარბიელო მდგომარეობა გურიაში. მე-8 დღეა შუქი არ აქვს სოფელს. წყალი შუქზეა დამოკიდებულია, ცენტრალური მიწოდება არ ირთვება. წულის დეფიციტია დაბაში. შიდა გზების პრობლემა არის. პირველადი სამედიცინო დახმარებაზე მისვლა უჭირს და ხელით გვიწევს ადამიანების გადაადგილება. ცენტრალური გზა სადღაც 80 სანტიმეტრის ზემოთაა გაწმენდილი და ერთი მაღალი გამავლობის ავტომობილი გვაქვს სოფელში და ვიყენებთ. მთავრობის არც ერთი წარმომდგენელი არ არის ნამყოფი დაბაში. რა უჭირთ ადამიანებს ამის კურსში არიან, მაგრამ 112-ზეც რომ დავრეკოთ ვერ გვიწევენ შესაბამის დახმარებას მოსახლეობას, სადაც ადამიანები კრიტიკულად მძიმე მდგომარეობაში არიან, მაგალითად ონკოპაციენტები და დიალიზის პროგრამაშია მყოფები, ხელით გვიწევს გზის გაწმენდა, რომ ისინი სამედიცინო პუნქტში გადავიყვანოთ. საკვების პროდუქტების და მედიკამენტების პრობლემებია, ვისაც გულ-სისხლძარღვთა დაავადებები აქვთ. დღეს უკვე ამ დილით 10-მდე ადამიანმა მომმართა, რომ როგორმე რაიონულ ცენტრამდე მივიდეთ და ამ ადამიანებს შევუძინოთ.

ცენტრალური გზა გაწმენდილია, შიდა საუბნო გზა გასწმენდია, საცალფეხო ბილიკია, 1 მძიმე პაციენტი გვყავს, მოსახლეობა შეიკრიბება და ხელით უნდა დავიწყოთ 600 მეტრი გზის ხელით გაწმენდა. მძიმე ვითარებაა და არც ტექნიკა ჩანს. მთელი მთავრობა გენ შტაბი, თავდაცვის ძალები ჩართულები არინა, მაგრამ ვიღაცები დაკატაობენ სკუტერებით.

კარგი, პირველ 1, 2 დღე ვერ მივიდნენ, ვერ გააანალიზეს მოცემული სიტუაცია, ვერ გაერკვნენ სინოპტიკოსების პროგნოზებში, არ შექმნეს შტაბი, მაგრამ 8 დღეა უკვე ასეთი ვითარებაა მუნიციპალიტეტში და ჩამოვიდა ბიჭი თბილისიდან, რომელიც დაკატაობს თვითმავლით და იქ ადამიანებს საკვები პროდუქტების პრობლემა აქვს.

მინდა მოხალისეებს ყველას დიდი მადლობა ვუთხრა, ვინც ჯუმათში, ლანჩხუთის მუნიციპალიტეტში — აკეთში დადიან 24 საათის განმავლობაში და ადამიანებს ეხმარებიან. ეს ადამიანი დაკატაობს. შეხედა — გზა იყო, არ იყო. არ არის მთავრობის წარმომადგენელი რა სტატუსით იმყოფება გაურკვეველია. მერია ამისი ძმა და ძმის მხარდაჭერისთვისაა ჩამოსული მუნიციპალიტეტში, მაგრამ ისინი უნდა მივიდნენ ადამიანებში.

მთელი სიმძიმე არის ლანჩხუთის მუნიციპალიტეტის სოფლები, სადაც არა ერთ სიცხიანი ბავშვია და გზაც კი არ არის გაწმენდილი. სოფელ შრომაში, სადაც 60 სახლი დანგრეულია და 60 ოჯახი დარჩა უსახლკაროდ.

ოზურგეთში მეტ-ნაკლებად სტაბილურდება სიტუაცია და თუ ცოტას მოინდომებენ და მძიმე ტექნიკას ჩართავენ, რომ სოფლებში მისასვლელი გზა აღდგეს, მონდომების საკითხია. ვერ ვიტყვით, რომ არ მუშაობენ, მაგრამ პრემიერი რომ ჩამოვიდა, სადაც უნდა გადაადგილებულიყო მთელი ტექნიკა მარტო იმ გზას წმენდდნენ და ეს არ არის ის, რა ადამიანებს სჭირდებათ. გზა არ იწმინდება და რეაგირება არის დაგვიანებული რიგ შემთხვევებში," — თქვა ბესო ქათამაძემ ფორმულასთან.