ხოაკინ ფენიქსისა და რუნი მარას რომანის შესახებ უკვე დიდი ხანია საუბრობენ, პაპარაცები მოსვენებას არ აძლევენ, ტაბლოიდები კი ჰოლივუდის ახალ ვარსკვლავურ წყვილზე თითქმის ყოველდღე წერენ.

ჭორი და მართალი ერთმანეთში რომ არ აირიოს, ხოაკინ ფენიქსმა ოფიციალურად დაადასტურა, რომ ის და რუნი უკვე ერთად ცხოვრობენ და დიდი გეგმებიც აქვთ.

მსახიობმა ისაუბრა იმაზეც, რომ ძალიან მშვიდი ცხოვრებით ცხოვრობს, ვარჯიშობს, მედიტირებს, საკუთარ ძაღლს ასეირნებს, იძინებს საღამოს 9 საათზე და დილის ექვს საათზე იღვიძებს.

მიუხედავად იმისა, რომ მათ უკვე აქვთ საერთო ფილმი - Her, აქტიური საუბარი მსახიობების ურთიერთობის შესახებ ფილმ Mary Magdalene-ს გადაღებების დროს დაიწყო, სადაც რუნი მარა მარიამ მაგდალინელის, ფენიქსი კი იესო ქრისტეს როლს განასახიერებს. მოგვიანებით წყვილი კანის კინოფესტივალზეც ერთად გამოჩნდა, სწორედ ამ დღის შემდეგ გამყარდა ჭორები მათი ურთიერთობის შესახებ.

შეგახსენებთ, რომ 2018 წლის მარტში ეკრანზე წყვილის ერთობლივი ფილმი გამოვა, რომელიც მარიამ მაგდალინელის ცხოვრების გზაზე მოგვითხრობს და იესო ქრისტესთან მისი ურთიერთობის შესახებ ერთ-ერთ ვერსიას შემოგვთავაზებს.

ფილმის რეჟისორი გარტ დევისია.