ვერმონტელი სენატორი ბერნი სანდერსი ეხმაურება აშშ-ის პრეზიდენტ დონალდ ტრამპის განცხადებას, რომელშიც მან ვოლოდიმირ ზელენსკის დიქტატორი უწოდა და არჩევნების დანიშვნისკენ მოუწოდა.

"უინსტონ ჩერჩილი მართალი იყო: "დემოკრატია მმართველობის ყველაზე ცუდი ფორმაა, გარდა ყველა სხვა ვარიანტისა, რომელიც კაცობრიობას უცდია" — ძალიან ბევრი ამერიკელი იბრძოდა და დაიღუპა დემოკრატიის დასაცავად. ჩვენ ევროპელ მოკავშირეებთან ერთად უნდა დავდგეთ პუტინისა და ტრამპის ავტორიტარიზმის წინააღმდეგ", — წერს ბერნი სანდერსი.

ინფორმაციისთვის, 19 თებერვალს აშშ-ის პრეზიდენტმა, დონალდ ტრამპმა სოციალურ ქსელში ვრცელი პოსტი გამოაქვეყნა, რომელიც სრულად უკრაინის პრეზიდენტის, ვოლოდიმირ ზელენსკის კრიტიკას მიეძღვნა. ტრამპმა ზელენსკის დიქტატორიც კი უწოდა და არჩევნების დანიშვნისკენ მოუწოდა.

ასევე იხილეთ: ტრამპმა ზელენსკი დიქტატორად მოიხსენია და არჩევნების დანიშვნისკენ მოუწოდა