Wicked-ის ვარსკვლავი, სინტია ერივო, რომლის ვოკალურმა შესაძლებლობებმა და ალქაჯის როლმა მთელი მსოფლიოს ყურადღება მიიპყრო, პოპულარულ მიუზიკლში იესო ქრისტე — სუპერვარსკვლავი იესოს როლს შეასრულებს.

სპექტაკლი სამი დღის განმავლობაში, 1-დან 3 აგვისტომდე, ჩატარდება Hollywood Bowl-ის სცენაზე, ლოს-ანჯელესის ამფითეატრში. ტიმ რაისისა და ენდრიუ ლლოიდ-ვებერის ნაწარმოები იესო ქრისტე — სუპერვარსკვლავი, რომელიც მსოფლიოს ერთ-ერთი ყველაზე კონტროვერსული და პოპულარული მიუზიკლია, ამ დადგმისთვის სერხიო ტრუხილომ, თეატრალურმა რეჟისორმა, გარდაქმნა.

კადრი ფილმიდან იესო ქრისტე — სუპერვარსკვლავი (1973)

ტრუხილოს თქმით, სინტია ერივოს მონაწილეობით მიუზიკლი თავის "როკ-საფუძვლებს" დაუბრუნდება. ნამუშევარი იესო ქრისტეს გარდაცვალებისა და აღდგომის ისტორიას მისი ბიბლიური გამცემის, იუდა ისკარიოტელის პერსპექტივიდან გვიამბობს და განიხილავს იესოს ურთიერთობას მის მოწაფეებთან და მარია მაგდალინელთან.

სინტია ერივოს გარდა, ქასთის სხვა წევრების ვინაობები ჯერჯერობით ცნობილი არაა, თუმცა, როგორც მიუზიკლის ოფიციალური ვებ-გვერდი იუწყება, დასში კიდევ ბევრი ვარსკვლავის სახელს უნდა ველოდოთ.

იხილეთ ასევე: