ოცნების პარლამენტის ვიცე-სპიკერის პოსტზე, ოპოზიციის კვოტით, ევროპელი სოციალისტების წარმომადგენელს ილია ინჯიას აირჩევენ.

ის აღნიშნულ პოსტზე პოლიტიკურმა ჯგუფმა ევროპელი სოციალისტები წარადგინა.

ოცნების პარლამენტში კიდევ ერთი ოპოზიციონერი ვიცე-სპიკერი ხალხის ძალის წარმომადგენელი სოზარ სუბარია.

ოცნების პარლამენტში კიდევ 4 ვიცე-სპიკერია: პირველი ვიცე სპიკერია გია ვოლსკი, უმრავლესობის კვოტით არჩეული ვიცე სპიკერები - ნინო წილოსანი, თეა წულუკიანი, გიორგი კახიანი.

მიმდინარე წლის 5 თებერვალს, ქართული ოცნების დეპუტატებმა — ილია ინჯიამ, ვარლამ ლიპარტელიანმა და ნიკა ელისაშვილმა საპარლამენტო უმრავლესობა დატოვეს და განაცხადეს, რომ პარლამენტში ოპოზიციის სტატუსით გააგრძელებენ მუშაობას.

ილია ინჯიამ ბრიფინგზე თქვა, რომ ახალ ოპოზიციურ საპარლამენტო პოლიტიკურ ჯგუფს ევროპული სოციალისტების ბაზაზე ჩამოაყალიბებენ და ყველაფერს გააკეთებენ იმისთვის, რომ არ დაუშვან ნაციონალური მოძრაობის რევანში.