ბორის პისტორიუსი: აშშ-ის ვიცე-პრეზიდენტმა ევროპის მდგომარეობა იმ მდგომარეობას შეადარა, რომელიც ზოგიერთ ავტორიტარულ რეჟიმში ბატონობს

15 Feb. 2025, 18:12

"ტრანსატლანტიკური ალიანსის მტკიცე მხარდამჭერი, ამერიკის მტკიცე მოკავშირე და მეგობარი ვარ. ამერიკული ოცნება ისეთი რამეა, რაც ყოველთვის მხიბლავდა და შთაგონებას მაძლევდა და ამიტომ არ შემიძლია, უბრალოდ დავაიგნორო ის, რაც ახლა მოვისმინეთ. არ შემიძლია კომენტარი არ გავაკეთო გამოსვლაზე, რომელიც აშშ-ის ვიცე-პრეზიდენტისგან მოვისმინეთ.

"ვიბრძვით თქვენი უფლებისთვის, იყოთ ჩვენს წინააღმდეგ" — ეს გერმანიის შეიარაღებული ძალების ერთ-ერთი ლოზუნგია და ჩვენს დემოკრატიას ასახავს — დემოკრატიას, რომელიც აშშ-ის ვიცე-პრეზიდენტმა კითხვის ნიშნის ქვეშ დააყენა — არა მხოლოდ გერმანიის, არამედ მთლიანად ევროპის დემოკრატია. მან დემოკრატიის განულებაზე ისაუბრა და თუ სწორად გავიგე, მან ევროპის მდგომარეობა იმ მდგომარეობას შეადარა, რომელიც ზოგიერთ ავტორიტარულ რეჟიმში ბატონობს — ეს მიუღებელია.

ჩვენს დემოკრატიაში ყოველ მოსაზრებას აქვს ხმა და ეს საშუალებას აძლევს პარტიებს, რომლებიც ნაწილობრივ ექსტრემისტულები არიან, როგორიცაა ალტერნატივა გერმანიისთვის, აწარმოონ კამპანიები, როგორც ამას ნებისმიერი სხვა პარტია აკეთებს. მაგრამ დემოკრატია არ ნიშნავს, რომ ხმაურიანი უმცირესობა ავტომატურად მართალი იქნება და მას შეუძლია გადაწყვიტოს, რა არის სიმართლე. ეს არ ნიშნავს, რომ ყველას ყველაფრის თქმა შეუძლია — დემოკრატიას ექსტრემისტების წინააღმდეგ, რომლებიც მის განადგურებას ცდილობენ, თავდაცვის შესაძლებლობა უნდა ჰქონდეს. ბედნიერი ვარ იმ ევროპაში ცხოვრებით, სადაც ეს დემოკრატია ყოველ დღე დაცულია მისი შიდა და გარე მტრებისგან"

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

იავნანა — ქართული ენის პირველი გაკვეთილი ბულბულის აპლიკაციაშია ხელმისაწვდომი