საერთაშორისო ორგანიზაცია რეპორტიორები საზღვრებს გარეშე გამოეხმაურა პუბლიკის პოლიციის მიერ სასტიკად ნაცემი ჟურნალისტის, ალექსანდრე ქეშელაშვილის წინააღმდეგ სასამართლოსთვის მიმართვას.

"რეპორტიორები საზღვრებს გარეშე გმობს ალექსანდრე ქეშელაშვილის წინააღმდეგ შსს-ს აღმაშფოთებელ საჩივარს. ის მსხვერპლია! პუბლიკის ჟურნალისტს პოლიციამ სასტიკად სცემა 29 ნოემბრის აქციის გაშუქებისას," — დაწერა ორგანიზაციამ და გააზიარა ალექსანდრე ქეშელაშვილის და თბილისში მიმდინარე დემონსტრაციების შესახებ მომზადებული სიუჟეტი.

შსს-ს მიმართვის საფუძველზე ალექსანდრე ქეშელაშვილის ადმინისტრაციული საქმის განხილვა 25 თებერვალს გაიმართება.