ბათუმის საქალაქო სასამართლოს მოსამართლემ, ლევან ყოლბაიამ არ მიიღო წარმოებაში ადვოკატების შუამდგომლობა და ჩათვალა, რომ მზია ამაღლობელი პატიმრობაში უნდა დარჩეს.

მზია ამაღლობელის ადვოკატებმა აღკვეთის ღონისძიების სახით გამოყენებული პატიმრობის გაუქმების თაობაზე სასამართლოს გუშინ, 13 თებერვალს მიმართეს.

"მზია ამაღლობელისთვის აღკვეთის ღონისძიების შეცვლის თაობაზე ადვოკატების შუამდგომლობა, ბათუმის საქალაქო სასამართლოს მოსამართლემ, ლევან ყოლბაიამ დაუშვებლად ცნო.

ესაა სასამართლოს მორიგი უკანონო და დაუსაბუთებელი გადაწყვეტილება მზია ამაღლობელის წინააღმდეგ. არ არსებობს არავითარი საფუძველი, რაც მის პატიმრობას გაამართლებს.

ამ გადაწყვეტილებებით ქართული მართლმსაჯულება საკუთარი უკანონობის ისტორიას წერს.
სასამართლოს განჩინებას სააპელაციო სასამართლოში გავასაჩივრებთ", — წერს საიას ხელმძღვანელი ნონა ქურდოვანიძე სოციალურ ქსელში.