"პარტია ქართული ოცნება ცდილობს ქვეყანა რუსეთისკენ წაიყვანოს და ევროატლანტიკური ინტეგრაციის მათ მიერ არჩეული გზას დააშოროს", — ამის შესახებ ჰელსინკის კომისიის მიერ გამოქვეყნებულ განცხადებაშია ნათქვამი, სადაც ჰელსინკის კომისიას ახალი თავმჯდომარის — რესპუბლიკელი სენატორი როჯერ უიკერის დანიშვნის შესახებაა საუბარი.

ჰელსინკის კომოსია წერს, რომ სენატორი ვიკერი იკავებს თავმჯდომარეობას პოსტს გადამწყვეტ მომენტში, როცა რუსეთი აწარმოებს ყველაზე დიდ სახმელეთო ომს ევროპაში მეორე მსოფლიო ომის შემდეგ, სამხრეთ კავკასიაში, სომხეთსა და აზერბაიჯანს აქვთ შესაძლებლობა მიაღწიონ გრძელვადიან სამშვიდობო შეთანხმებას და საქართველოს დემოკრატიული რესპუბლიკა გზაჯვარედინზე დგას.

"რუსეთი აწარმოებს ყველაზე დიდ სახმელეთო ომს ევროპაში მეორე მსოფლიო ომის შემდეგ, რაც საფრთხეს უქმნის არა მხოლოდ უკრაინის მომავალს და დამოუკიდებლობას, არამედ აშშ-ის მოკავშირეებისა და პარტნიორების უსაფრთხოებასა და სუვერენიტეტს ევროპაში. სამხრეთ კავკასიაში, სომხეთსა და აზერბაიჯანს აქვთ შესაძლებლობა მიაღწიონ გრძელვადიან სამშვიდობო შეთანხმებას ათწლეულის განმავლობაში ძალადობისა და არეულობის შემდეგ. იმავდროულად, საქართველოს დემოკრატიული რესპუბლიკა გზაჯვარედინზე დგას და პარტია ქართული ოცნება ცდილობს ქვეყანა რუსეთისკენ წაიყვანოს და ევროატლანტიკური ინტეგრაციის მათ მიერ არჩეული გზას დააშოროს", — ნათქვამია განცხადებაში.

ჰელსინკის კომისიას ახალი თავმჯდომარედ რესპუბლიკელი სენატორი როჯერ უიკერი 12 თებერვალს წარადგინეს.

"ჩემთვის პატივია ჰელსინკის კომისიის თავმჯდომარედ დასახელება. ევროპული უსაფრთხოება ყოველთვის კარგია შეერთებული შტატებისთვის. თითქმის 50 წლის განმავლობაში ჰელსინკის კომისია მსოფლიოს მასშტაბით იცავს ადამიანის უფლებებს, წინ წევს დემოკრატიას და ეკონომიკურ თანამშრომლობას ზრდის. დღევანდელი გამოწვევები არანაკლებად გადაუდებელია. მოუთმენლად ველი ორპალატიან, ორპარტიულ საფუძველზე მუშაობას უკრაინის წინააღმდეგ რუსეთის ომის სამართლიანად დასრულებისთვის, ნატოს ალიანსის გაძლიერებისთვის, საერთაშორისო წესრიგისთვის, რომელიც ჩვენს ეროვნულ ინტერესებს ემსახურება", — ვკითხულობთ უიკერის განცხადებაში.