გამოცემა Reuters-ის თქმით, პრეზიდენტ დონალდ ტრამპის ადმინისტრაცია აპირებს, აშშ-ს საერთაშორისო განვითარების სააგენტოს (USAID) 10 000-ზე მეტი თანამშრომლიდან დასაქმებული მხოლოდ 294 დატოვოს, დანარჩენი კი სამსახურიდან გაათავისუფლოს, მათ შორის 12 აფრიკის განყოფილებაში, ხოლო 8 — აზიის.

შეგახსენებთ, დონალდ ტრამპა 20 იანვარს, გაპრეზიდენტების პირველ დღეს, ხელი მოაწერა ბრძანებას, რომელიც საერთაშორისო განვითარების დახმარების პროგრამების 90 დღით შეჩერებას გულისხმობდა და რამდენიმე გამონაკლისის გარდა, გააჩერა ყველა არსებული საგარეო დახმარების პროგრამა.

ასევე, 5 თებერვალს, ტრამპის ახალმა დანიშნულმა USAID-ის მოვალეობის შემსრულებელმა და სახელმწიფო მდივანმა, მარკ რუბიომ USAID-ის წარმომადგენლებს განუცხადა, რომ საგარეო დახმარება "მთავრობის ყველაზე არაპოპულარული დანახარჯი იყო" და რომ ამ მიმართულების დაცვა მისთვის სულ უფრო რთულია.

რუბიომ სააგენტოს თანამშრომლებთან საუბრისას ხაზი გაუსვა, რომ შეერთებული შტატები არ ტოვებს საგარეო დახმარების პროგრამებს, თუმცა ეს უნდა იყოს ისეთი პროგრამები, რომელთა აუცილებლობის ახსნა და დაცვაც შესაძლებელი იქნება. რუბიოს თქმით, წინააღმდეგ შემთხვევაში საგარეო დახმარებას "საფრთხე ექმნება".

ტრამპის ადმინისტრაციამ 4 თებრვალს გამოაცხადა, რომ აშშ-ს საერთაშორისო განვითარების სააგენტოს (USAID) თანამშრომლებს, მთელი მსოფლიოს მასშტაბით, ადმინისტრაციულ შვებულებაში უშვებენ და გაიწვევენ საზღვარგარეთ მომუშავე ათასობით პერსონალი.

ტრამპის ადმინისტრაციამ სამშაბათს გამოაცხადა, რომ აშშ-ს საერთაშორისო განვითარების სააგენტოს (USAID) თანამშრომლებს, მთელი მსოფლიოს მასშტაბით, ადმინისტრაციულ შვებულებაში უშვებენ და გაიწვევენ საზღვარგარეთ მომუშავე ათასობით პერსონალი.

ამას გარდა, ზოგიერთი პერსონალი, რომელიც მისიის კრიტიკულად მნიშვნელოვან ფუნქციებზეა პასუხისმგებელი — ძირითად ხელმძღვანელობა და სპეციალურად დადგენილი პროგრამები, ამ წესს არ ექვემდებარებიან და განაგრძობენ მუშაობას.

გავრცელებულ განცხადებაში ნათქვამია, რომ საზღვარგარეთ მყოფი USAID-ის თანამშრომლებისთვის ვაშინგტონი სახელმწიფო დეპარტამენტთან კოორდინაციით ამზადებს გეგმას და პერსონალის შეერთებულ შტატებში დაბრუნების ხარჯებს 30 დღის განმავლობაში გადაიხდის.

ამას გარდა, USAID-ის ხელმძღვანელობა აპირებს განიხილოს ცალკეული გამონაკლისები, რომლებიც პირად სირთულეებს ან მობილურობასა და უსაფრთხოებას ეფუძნება.